Wp/ryu/白い砂のアクアトープ

From Wikimedia Incubator
< Wp‎ | ryuWp > ryu > 白い砂のアクアトープ
ロゴ

白い砂のアクアトープ』(しるさるしなぬアクアトープ)ー、P.A.WORKS制作にゆるやまとぅテレビアニメ2021年7月から12月にかきてぃTOKYO MXふかにてぃ放送さったん[1][2]うちなー南城市水族館舞台んかい、たいぬいなぐわらびぬ絆てぃがろー葛藤、成長描ちゅるはなざかい群像劇[3]。全24話。

あらすんじ[edit | edit source]

前半(1-12話)[edit | edit source]

宮沢風花ー、アイドルグループ脱退しー、しまぬ盛岡んかいけーらんでぃそーたしが、ちゅい真夏ぬうちなーんかい旅んかいんじーん。一方、うちなーんかい住むる女子高生ぬ海咲野くくるーがくしーくらしぬ傍ら、たんめーぬ営むん「がまがま水族館」ぬ業務館長代理とぅしてぃ手伝とーたん。旅中んかい偶然水族館ちゃる風花ーうまうぅてぃふしじな体験しー、はいいちゃてぃたくくいんに対し、くまうぅてぃ働かしてぃふさんでぃ頼み込むん。

くくるのー老朽化っし閉館ぬ決まとーる水族館存続しみーるたみ、風花ぬちゃーとぅうちゃーち集客ないるイベント次々ふぃらちゃしが、閉館ぬどぅきなららんとぅわかいねー水族館んかいばーきぐしくすん。うーかじぬ直撃さる水族館っし停電てぃがろー雨漏り目ぬ当たりなしたくくるのー、「くまうぅてー生き物まむりらん」んでぃ実感しー、閉館受き入りーん。風花んかいん映画主演ぬ話ぬ舞い込どーたん。

8月31日、がまがま水族館ー閉館。くくるくとぅ「いみうーてぃ」んでぃながにうさったる風花ー上京するくとぅなたん。やしが風花ー飛行機キャンセルしー、泣ちょーんくんじゅんぬむとぅんかいむどぅいねー「わんがくんじゅんぬんーみーないん」んでぃ宣言すん。風花ー映画出演くとぅわい、次ぬいみ見ーちきるかしまんかいけーいるくとぅなちゃん。くくるぬんみーくなたる水族館「アクアリウム・ティンガーラ」っし働ちゅんでぃうみちりすん。

後半(13-24話)[edit | edit source]

高校卒業しーたくくるのー「アクアリウム・ティンガーラ」んかい就職すん。やんしが配属さったるのー飼育部うぅてーなく営業部やたん。くくるのー慣りらんしぐとぅ、上司っし副館長ぬ諏訪哲司ぬ無理難題、飼育担当ぬ南風原知いみぬちゃーとぅぬあちりきんかいちぶる悩ましみーん。風花ぬうちなーんかい移住しー、ティンガーラぬペンギン飼育担当ない、くくるん精神面からうやぎーん。

くくるのー諏訪からとぅらさったる水族館にーびちぬプレゼンんかい失敗。がまがまがくーさったるくとぅちちゃるくとぅっしちむぬうぅーりー、しぐとぅ投ぎ出ち離島旅すん。やてぃウミガメぬ産卵んーちゃるくとぅっし再びどぅーぬしぐとぅんかい向き合いるくとぅうみちり。くくるんうーてぃちゃる風花ん環境汚染問題んかい興味むち、ティンガーラぬハワイ研修んかい応募すん。迷いる風花んかいくくるのー「今度ーわんがんーみーないん」んでぃいさみーん。くくるのー水族館にーびちでぃかさしみー、風花送りだすん。

2年後、飼育んかいん実務んかいん熟知しー、ティンガーラぬ幹部候補とぅみーさりーるようなてぃたくくるぬむとぅんかい、風花ぬ留学終えいけーてぃちゅーん。たえー「生き物ぬくとぅかんげーい続きーるくとぅ」んでぃぬうみちり新たなすん。

脚注[edit | edit source]

  1. “[[[:Template:Wp/ryu/Ifempty]] P.A.WORKS完全新作オリジナルアニメ『しるさるしなぬアクアトープ』2021年7月放送決定!]”. TVアニメ『しるさるしなぬアクアトープ』. Template:Wp/ryu/Accessdate
  2. “[[[:Template:Wp/ryu/Ifempty]] OnAir&Streaming]”. TVアニメ『しるさるしなぬアクアトープ』. Template:Wp/ryu/Accessdate
  3. “[[[:Template:Wp/ryu/Ifempty]] P.A.WORKS新作アニメ「しるさるしなぬアクアトープ」しちぐゎちから、伊藤美来・逢田梨香子出演(動画あん / コメントあん)]” (Template:ISO639言語名). コミックナタリー. ナターシャ. Template:Wp/ryu/Accessdate

外部リンク[edit | edit source]