Wp/ryu/島唄 (THE BOOMぬ曲)

「島唄」（しまうた）ー、やまとぅぬロックバンド・THE BOOMぬ楽曲やん。

経緯

THE BOOMー1992年1月22日発売ぬアルバム「思春期」っし三線てぃがろー琉球音階んでー沖縄音楽ぬ要素取り入りたん「島唄」発表。 またうぬとぅしぬ12月12日んかえーウチナーグチっし歌らったん「島唄（ウチナーグチ・ヴァージョン）」うちなー限定っしリリース、瑞穂酒造ぬあーむい「るーちゅーあーむい Xi(クロッシー)」ぬテレビコマーシャルソングんかい起用されい（くぬCMんうちなー県限定）、うちなーてーんっし1万枚くぃーる売り上ぎ記録さん（後に全国発売されい、50万枚近く売り上ぎとーん）。

一方、東京弁っし歌らったん「オリジナル・ヴァージョン」ぬシングル全国発売ぬ要望ん高さたしが、むとぅからうぬ予定ーねーらんたるようやん。THE BOOMぬボーカルっし「島唄」ぬ作詞・作曲うきむっちゃる宮沢和史ん当時ぬうちなーブームんかい便乗さるシングルリリースんかえー否定的でぃあったしが、いるいるなっちゅんかい意見ちちゃる結果、「オリジナル・ヴァージョン」シングル発売するくとぅなちゃん。かわてぃ喜納昌吉からうくらったん「（『島唄』単なるうちなー音楽ぬ真似事、んでぃ批判するむぬんあしが）音楽にういてぃ、『まぶやー』までぃコピーしぇー、うれーなーコピーんでーやあらんやん」でぃぬくとぅばんかいながにうさったん、んでぃ宮沢ーTV番組っしコメントそーん。

こうしてぃ1993年6月21日、「島唄（オリジナル・ヴァージョン）」が全国発売とぅない、150万枚以上売り上ぎーる大ヒットとぅなたん。うぬとぅしにTHE BOOMー大晦日ぬ紅白歌合戦んかい出場、「レコード大賞」やてぃん「ベストソング賞」受賞さん。また、アルゼンチンっしアルフレッド・カセーロぬやまとぅぐちぬままカバーさん「SHIMAUTA」が2001年んかい地元っし大ヒットしー、サッカーぬ2002年日韓ワールドカップ・アルゼンチン代表チームぬ応援曲んかい起用さったん。うぬ影響んあい2002年、THE BOOMぬ「島唄」んでぃアルフレッド・カセーロぬ「SHIMAUTA」収録さる「島唄 Shima Uta」ぬ改みてぃリリースされい、10万枚売り上ぎーるリバイバル・ヒットとぅなたる（オリコンじょーとぅー10位）。うぬとぅしぬ紅白歌合戦んかいん「アルフレド・カセーロ&THE BOOM」名義っし出場しー、「島唄」歌とーん。又やまとぅぬ高校野球っしぇー、地元・うちなー県勢ぬ選抜高等学校野球大会あらんでぃ全国高等学校野球選手権大会出場時に、攻撃ぬ応援歌とぅしてぃゆー使用さりとーん。

くぬ歌にちいてぃ宮沢和史ー1996年んかいねじめ正一とぅぬテレビ対談にういてぃ「坂本九ぬ『うぃーんかてぃあっか』ぬぐとーる歌ちゅくいぶさたん」んでぃ述びとーん。

BEGINぬ比嘉栄昇ーTHE BOOMぬ「島唄」にちいてぃ、「BOOMさんぬ『島唄』ー画期的やたん。うりまでーうちなーぬミュージシャノー本土っしちゃー歌れーゆたさんが分からじ、本土ぬミュージシャンんうちなーうぅてぃ歌いしぇー遠慮ぬあたん。うぬ橋渡しポンとぅしくぃたるぬがBOOMさんぬ『島唄』やいびーん。ありがたさたん」んでぃ述びとーん。

当初うちなーうぅてー（主に沖縄民謡んかい関わとーたるっちゅぬちゃーんかい）「うちなーぬにんじんでぃねーんにんじんぬ沖縄民謡ぬ真似事すんなっくぇーとぅんでぃむねーん」「まくとぅ（沖縄音楽）しーぶさるぬやれーうちなーんかい住めい。あんしぇーうんじゅがわらびぬないるはじ」んでぃ痛烈に批判されいTHE BOOMーショック受きとーたしが、比嘉栄昇ぬエール受きてぃいっぺー感謝さるくとぅ語とーん。また、沖縄民謡協会やてぃん20周年受きてぃ「最初ームカちちゃしが、なまー感謝そーん」んでぃコメントそーん。

歌詞

島唄ぬ歌詞ー表面うぃーや男女ぬ別り歌たるラブソングやんしが、実際ーうちなー戦っしぬ悲劇とぅふぃーわんかいぬぬじゅみぬ唄らっとーん。くれー、当時宮沢んかえー「いくさぬくとぅうぬまま歌てぃんちちくぃらんだるう」んでぃぬかんげーぬあたるたみやん。歌詞ー読谷村んかい米軍ぬ艦船でぃぬ「嵐」がうしゆしーる光景から始まい、「ウージぬむい（ウージはる）」っしはいいちゃたる幼馴染ぬ男女ぬ、「ウージぬしちゃ（ウージはるぬしちゃぬ地下壕）」っし永遠ぬ別り（自決）すん。あんし「二度とぅいくさぬうきーるくとぅなく、くぬ島んかい永遠ぬふぃーわぬちゅーるぐとぅ」んでぃぬにげーっし歌ー締みくくらりーん。

宮沢ー1991年んかいうちなーぬ「ひめゆり平和祈念資料館」はじみてぃちー、ひめゆり学徒隊んかいいっちょーたんでぃぬ老婆んかいはいいちゃい、想像絶するうちなーぬいくさ時ぬ悲劇ちちゃるぬが制作ぬきっかきやたんでぃいーん。資料館ーガマ（自然がま）ぬ中んかいあるぐとーる造りやい、老婆ーがまっしぬ集団自決ぬくとぅてぃがろー捕虜ないるくとぅうじたる肉親同士ぬたげーにくるし合ーいるくとぅんでー語たんでぃぬ。うぬインタビューぬ内容ー「宮沢和史ぬ旅する音楽」でぃぬシリーズぬ連載されい、2回んかい渡い「島唄」ぬ創作秘話ぬ2005年8月22日とぅ2005年9月1日ぬ朝日新聞（朝刊）んかい掲載さったん。また、宮沢ーニュース番組「NEWS ZERO」にういてぃ、「うちなー戦があたるくとー知っちょーたしが、集団自決てぃがろーふぃみゆり学徒隊んでーぬくとぅ知らんたん。うぬ無知やたんくとぅに対する怒りてぃがろー、当時ぬ軍事下ぬならーしに対する疑問ぬぐとーるむんっし怒りぬくみ上ぎてぃ、地下ぬガマんかいぬくとーるぐすーよーぬまぶやー空んかい解放しーぶさんやーぐとーるうむいぬあてぃ、東京うぅてぃ『島唄』ちゅくたん」んでぃ述びとーん。

島唄んかえーるーちゅー音階ぬちからっとーしが、サビ前ぬ「地下壕っし自決さん」んでぃぬちむえーぬくみらったる部分ーうらんだ音階やん。くれー、「あったー自決しみたんのーやまとぅ（本土）でぃあり、あんかんげーいねーるーちゅー音階ーいっぺーちかららんでぃうむたん」んでぃ宮沢ー述びとーん。

THE BOOMぬ「島唄」とぅ奄美・うちなーぬ「島唄」

「島唄」ー、むとぅから奄美群島ぬ民謡ぬちゅるくとぅばやん。やしがTHE BOOMがうちなーぬイメージぬ楽曲んかい「島唄」でぃぬタイトルちきてぃ大ヒットしみたん為、「島唄」ぬ語義ぬ不正確なてぃねーんくとぅ嘆ちゅるんけーぬあん。てぃーちぇー「島唄」＝「琉球民謡」とぅしてぃ一般んかい知らったるくとぅにゆり、むとぅから奄美群島ぬ民謡ぬちゅるくとぅばでぃあった「島唄」でぃぬくとぅばぬるーちゅー民謡ぬちんちからりーるようなたるくとぅ。くれー狭義ぬ「島唄」（奄美民謡）ぬ担い手（唄者）とぅ、るーちゅー民謡ぬ担い手とぅぬ双方ぬ一部にくぬくとぅ嘆ちゅるたちふぁぬ存在すん。なーてぃーちぇー、「島唄」＝「THE BOOMぬ島唄」でぃぬ認識ぬちゅーくなてぃねーんくとぅでぃ、むとぅからあたる伝統的な「島唄」ぬかーがーぬふぃっくなてぃねーんくとぅやん。

また、THE BOOMぬ「島唄」が全国的なヒットそーたる当時、うちなーっしぇーくぬ曲にちいてぃ批判的な意見ん相次じゃん。「本土ぬにんじぬんかい『島唄』ぬ名安易にちかてぃむらいぶしこーねーん」でぃぬ地元新聞んかいぬ投書ぬあたんふどぅでぃある。やしが、くぬ曲三線っしふぃちんーじぶさんでぃぬわかむんぬかじゅーい、伝統民謡離り対策なたんでぃいーん。

バージョン

「島唄」ぬバージョンぬ詳細ー以下参照。

• 島唄
  • 1992年1月22日発売ぬアルバム「思春期」収録。
• 島唄（ウチナーグチ・ヴァージョン）
  • 1992年12月12日発表ぬ9枚目ぬシングル。うちなーくとぅばにゆり当初ーうちなー限定発売っし、すぬ後全国発売。
• 島唄（オリジナル・ヴァージョン）
  • 1993年6月21日発表ぬ11枚目ぬシングル。THE BOOM最大ぬヒット作とぅないん。アルバム「思春期」んでー別ミックス。
• 島唄 2001
  • 2001年１０月5日発表ぬ25枚目ぬシングル。全体的にアレンジさったるセルフカバー。
• 島唄 2002
• Shima-uta (acoustic) featuring IZZY
  • 2002年6月19日発売ぬアルバム「OKINAWA〜ワタシノシマ〜」収録。前者ー2001ぬリミックス。後者ー英語ver.
• 島唄 Shima Uta
  • 2002年5月22日発表ぬ26枚目ぬシングル。オリジナル、ウチナーグチ、2001ぬ他、アルフレッド・カセーロぬカバーぬ収録。
• 島唄(島唄20周年記念シングル)
• 島唄（シンフォニック・オーケストラver.）
  • 2013年3月20日発表ぬ34枚目ぬシングル。オリジナルバージョン発売から20周年記念さるセルフカバーバージョン。

外部リンク

• 島唄（オリジナル・ヴァージョン）ぬMV - YouTube