Wp/rsk/Владимир Колбас

Владимир Колбас
Народзени	30. авґуста 1947.
Умар	30. авґуста 2024 (77)
Державянство	югославянске, канадске
Язик творох	руски
Школа	Штредня музична школа, Нови Сад
Универзитет	Музична академия, Нови Сад
Период твореня	1976-1993.
Жанри	дириґованє, музична продукция
Поховани	у Киченеру, Онтарио, Канада

Владимир Колбас (*30. авґуст 1947 †30. авґуста 2024), музичар, дириґент, музични продуцент Радио Нового Саду.

Биоґрафия

Владимир Колбас народзени 30. авґуста 1947. року у Новим Садзе. Оцец Йовґен и мац Юстина родз. Гаргаї. Владимир мал и старшого брата Янка. Владимир Колбас закончел основне образованє у Новим Садзе, потим закончел штредню музичну школу, а потим и Музичну академию. Бул вредни аматер у КУД Максим Горки у Новим Садзе од тинейджерских рокох, тиж бул и корепетитор и дириґент хорох.

Владимир Колбас бул єден зоз сновательох Фестивалу Ружова заградка, а роками робел и допринєсол у орґанизациї и реализациї фестивалу култури Червена ружа.

Продуцент у Радио Новим Садзе

На место музичного продуцента до Рускей редакциї Радио Нови Сад пришол у марцу 1976. року. Колбас робел зоз тамбуровим, народним и забавним оркестром на пририхтованю и знїманю музичного материялу за потреби музичней редакциї Радия Нови Сад, односно програми на руским язику. Тиж робел и на пририхтованю наших руских шпивачох, аматерох за знїманє тонских записох руских народних и забавних шпиванкох, як и ґрупох, од хторих найпознатша ґрупа Роса.

За свою роботу и усиловносци Колбас достал вецей плакети и припознаня. На вецей заводи бул наградзовани з боку Медзинародного фестивалу Подунайских жемох, котри отримовани биєнално.

Продуцентску роботу Владимир Колбас окончовал по 1993. рок, кед зоз супругу Меланию родз. Мудри и штверима дзецми Марину, Катерину, Александром и Кристину, одселєли до Канади.

Владимир Колбас умар 30. авґуста 2024. року, на свой 77. родзени дзень. Поховани є на теметове у Киченеру.

Литература

Вонкашнї вязи

Ґрупа авторох, „Члени рускей редакциї од 1949. по 2019.ˮ, https://nar.org.rs/wp-content/uploads/2019/10/%D0%93%D0%9B%D0%90%D0%A1%D0%98-%D0%98-%D0%A7%D0%90%D0%A1%D0%98_compressed_compressed.pdf Гласи и часи, 70 роки Рускей редакциї Радио Нового Саду, Новинарска асоцияция Руснацох - НАР, Нови Сад 2019, б. 142

М. Тот/В. Вуячич, https://www.ruskeslovo.com/upokojel-se-vladimir-kolbas/ Упокоєл ше Владимир Колбас, Рутенпрес, 1. септембер 2024.

https://www.discogs.com/artist/4257600-%D0%92%D0%BB%D0%B0%D0%B4%D0%B8%D0%BC%D0%B8%D1%80-%D0%9A%D0%BE%D0%BB%D0%B1%D0%B0%D1%81 Владимир Колбас, дискоґрафия, www.discogs.com