Wp/rsk/Аристарх зоз Самосу

Аристарх
Аристарх зоз Самосу на рисунку з 1646.
Особни податки
Датум народзеня	310. п. н. е.
Место народзеня	Самос, Греческа
Датум шмерци	коло 230. п. н. е. Сиракуза, Сицилия, Италия
Наукова робота
Обласц	астрономия, математика

Аристарх (310. п. н. е. - коло 230. п. н. е.), гречески астроном и математичар.

Биоґрафия

Аристарх (греч. Ἀρίσταρχος, лат. Aristarchus; 310. п. н. е. - коло 230. п. н. е.) бул гречески астроном и математичар, родзени на острове Самос. Бул перши чловек хтори катеґорично арґументовал гелиоцентрични модел Слунковей системи, хтори до штредзиска познатей вселени поставя Слунко, а нє Жем. У тим бул под уплївом питаґорейца Филолая зоз Кротону, алє, процивно йому, „централни огень" виєдначел зоз Слунком, окрем же други планети исправно пошоровал у одношеню на Слунко. Медзитим, його астрономски идеї одруцени на хасен ґеоцентричних теорийох Аристотела и Птоломея, док их скоро 1800 роки познєйше успишно нє ожил Никола Коперник а розробели и преширели Йохан Кеплер и Исак Нютн.

Аристарх, найвироятнєйше, бул перши чловек хтори похопел же Слунко у стварносци векше як випатра, алє пре малу гришку у мераню думал же Слунко лєм 19 раз далєй од Жеми як Мешац, алє то було достаточно же би заключел же Слунко вельо векше и од Мешаца и од Жеми и же то значи же ше Жем обраца коло Слунка, а нє наспак як ше то теди думало.

О велькосцох и оддалєносцох (Слунка и Мешаца) то єдина зачувана кнїжка котру написал Аристарх. У нєй вираховал велькосц Слунка и Мешаца, як и їх оддалєносц од Жеми.

Мешацов кратер Аристарх наволани йому на чесц, як и астероид 3999 Аристарх.

Жридла

• Аристарх зоз Самосу Джеймс Иванс, Британика

• Aristarchus of Samos www.ancient.eu, Кристиян Виолати.

Вонкашнї вязи

• Биография (пдф) (язик: анґлийски)
• Течај мјерења свемирских удаљености