Wp/rsk/Мешац
| Мешац | |
|---|---|
 | |
| Планета | Жем |
| Характеристики орбити | |
| Штреднї полупречнїк
орбити |
384.403 km |
| Периапсис | 362.570 km |
| Апоапсис | 405.410 km |
| Екцентрицитет | 0.0549 |
| Период револуциї | 27,3217 |
| Период ротациї | 27,322 днї |
| Нагнуце | 5,145 |
| Физични характеристики | |
| Штреднї полупречнїк | 1821.6 ± 0.5 km |
| Поверхносц | 37.932.330 km² |
| Маса | 7.3477 х 1022 kg (0,0123
або 1/81 жемовей) |
| Густосц | 3.3464 g/cm³ |
| Ґравитация | 1.622 m/s² |
| Маґнитуда | -2.5 до -12.9 |
| Албедо | 0.136 |
Мешац (лат. Luna)[1] Жемов природни сателит и источашнє найблїзше нєбесне цело, оддалєне у просеку 384.401 km, так же шветлосц з Мешаца на Жем сцигує 1,25 секунди. Мешац обиходзи Жем по елиптичней драги зоз штредню швидкосцу од 1,02 km/s и преходзи дньови лук од 13° 10" . Мешац черстве нєбесне цело пречнїка 3 647 km, та є по поверхносци 14 раз, по обсягу 50 раз, а по маси 81 раз менши од Жеми. Пошвидшанє сили чежи на Мешацу 6 раз менше як на Жеми. Мешац обидзе коло Жеми за 27 днї 7 годзини 43 минути и 11.6 секунди (сидерични мешац)
Мешац найяснєйше нєбесне цело после Слунка чия шветлосц рефлектована (нє твори власну шветлосц як гвизда). Полни Мешац привидней гвиздовей велькосци -12,74, албедо му виноши 0,07, а углова велькосц ше видзи под углом од приблїжно 0,5°. Ґу Жеми обраца вше исти бок, бо ше обиход и ротация одбуваю у истим смислу, а часи обиходу и обрацаня єднаки, цо пошлїдок Жемового плимового вплїву. Драга му нагнута спрам ровнї еклиптики за 5° 9'. Вецей як половка поверхносци Мешаца ше видзи пре либрацию (59%). Мешацово мени то пременки Мешацовей ошвиценосци под час синодичного мешаца (млади Мешац, перша штварцина, полни Мешац и остатня або задня штварцина), а наставаю пре нєпреривни пременки Мешацового положеня спрам Жеми и Слунка. Кед Мешац войдзе до Жемового циню, настава зацменє Мешаца, а кед ше найдзе медзи Жему и Слунком (Мешацово ґузли), настава зацменє Слунка. Прицагуюци сили Мешаца и Слунка спричинюю на Жеми морски мени (плиму и осеку). Зоз свою силу прицагованя Мешац вплївує на Жемову драгу коло Слунка (нутация).
Густосц Мешаца 3,34 t/m3, по чим є други природни сателит у Слунковей системи. Його рушанє у зложеним ґравитацийним полю Жеми и Слунка подложне велїм поремеценьом. Мешацова оддалєносц од Жеми ше нєпреривно меня, бо ше Мешац коло жеми руша по елипси, а окрем того у длугших часових интервалох його драга нє ма стаємну форму и велькосц.
Мешац нє ма чечуцу воду анї значну атмосферу. Густосц атмосфери вельо раз менша од Жемовей, та є по числу молекулох у кубним центиметру (през дзень 10 000, вноци 200 000) блїзша густосци молекулох у медзипланетарним просторе. Релєфни характеристики Мешаца: моря, високоровнїни и кратери, зоз обачлївима пошлїдками тектонских процесох и вулканизму. З морйом ше наволую цмейши часци (ровнїни окружени з бреговима ланцами), гоч на Мешацу нєт води. На формованє поверхносци значно вплївовало вдеренє вельких целох, планетоидох и метеоритох, з обставинами хтори були одредзену зоз станом нукашньосци и єй розвойом (хладзенє нукашньосци, вулкански процеси). Поверхносц прекрита з пасмом реґолиту, дробнозарнастих ростресацих и порозних одламкох на каменей подлоги. Температура поверхносци ше меня од –160 °C вноци по +120 °C воднє [3].
Литература
- Scott, Elaine (2016). Our Moon: New Discoveries About Earth's Closest Companion. Houghton Mifflin Harcourt. бок. 7. ISBN 9780544750586.
- Stroud, Rick (2009). The Book of the Moon
- The Moon. Discovery 2008. BBC World Service.
Референци
- ↑ Oxford English Dictionary, 2nd ed. "luna", Oxford University Press (Oxford), 2009
- ↑ „How far away is the moon? :: NASA Space Place”
- ↑ Мешац "Hrvatska enciklopedija", Leksikografski zavod Miroslav Krleža, www.enciklopedija.hr, 2014.