Wp/rki/ဦးရွှေမြ
| သရေစည်သူ ဦးရွှေမြ | |
| ကိုယ်ရီးအကျဉ်းချုပ် | |
| မွီးသက္ကရာဇ် | ၁၈ ရက်၊ ဖေဖော်ဝါရီ ၁၉၁၀ |
| နာမည်ရင်း | ဦးရွှေမြ |
| မိဘနာမည် | ဦးအောင်ကျော်ဇံ၊ ဒေါ်ပု |
| မွီးဖွားရာနီရာ | ရခိုင်ပြည်နယ်၊ပေါက်တောမြို့ |
| နိုင်ငံသား | မြန်မာနိုင်ငံ |
| လူမျိုး | ရခိုင် |
| ကိုးကွယ်ရေဘာသာ | ထေရဝါဒ ဗုဒ္ဓဘာသာ |
| ပညာအရည်အချင်း | ဝိဇ္ဇာဂုဏ်ထူးတန်း |
| အလုပ်အကိုင် | အတွင်းဝန်ချုပ်၊ ပိဋကတ် ဘာသာပြန် |
| အိမ်ထောင်ဖက် | ဒေါ်ခင်တင့်နန့် |
| သားသမီး | ဦးထွန်းမြ၊ ဦးကျော်မြ (ကွယ်လွန်)၊ ဦးစိုးမြ၊ ဦးဝင်းမြ၊ ဦးမောင်မောင်မြ၊ ဒေါက်တာ ရဲမြ (သွေးရောဂါအထူးကုပါရဂူ-ငြိမ်း)၊ ဒေါက်တာအောင်မြ (ကလေးအထူးကု- ခွဲစိတ်ပါရဂူ)၊ ဒေါက်တာဇံမြ (နယူးယောက်ခ်)၊ ဒေါ်မြစန္ဒီ၊ ဒေါ်မြနှင်းဇီ (စာရေးဆရာမ) |
| ထင်ပေါ်ကျော်ကြားမှု | ပိဋကတ် ဘာသာပြန် စာတည်းဖြတ်မှုကော်မတီ ဥက္ကဌ |
| ထင်ယှားရေလက်ရာတိ | |
| ရယှိခရေဆုတိ | |
| လက်မှတ် | |
| ကွန်ယက် | |
၁၈ ရက်၊ ဖေဖော်ဝါရီ ၁၉၁၀ ပြည့်နှစ်တွင် ရခိုင်ပြည်နယ်၊ ပေါက်တောမြို့၌ အဖ ဦးအောင်ကျော်ဇံ၊ အမိ ဒေါ်ပု ရို့မှ မွေးဖွားခရေ။ အလယ်ကျွန်းကျေးရွာ၊ မူလတန်းကျောင်းတွင် ပညာသင်ကြားခရေ။ ၁၉၂၀ ပြည့်နှစ်တွင် စစ်တွေမြို့ အစိုးရ အင်္ဂလိပ်-မြန်မာ နှစ်ဘာသာသင် အထက်တန်းကျောင်းနန့် ၁၉၂၁-၂၆ ခုနှစ်တွင် စစ်တွေမြို့၊ အမျိုးသားအထက်တန်းကျောင်း၊ ၁၉၂၆ ခုနှစ် ရန်ကနု်တက္ကသိုလ် ဥပစာတန်း၊ ပထမနှစ်၊ ဒုတိယနှစ် စာမေးပွဲတိကို သမိုင်းဘာသာရပ် ပထမဆု၊ ဝိဇ္ဇာတန်း ပထမနှစ် စာမေးပွဲ စီးပွားရေးဘာသာဆု ပထမဆုရဟိပြီး စီးပွားရေးဘာသာ ဝိဇ္ဇာဂုဏ်ထူးတန်း တက်ရောက်ခရေ။ ၁၉၃၁ ခုနှစ်တွင် ဝိဇ္ဇာဂုဏ်ထူးတန်း စာမေးပွဲအောင်မြင်ပြီး စီးပွားရေးဘာသာရပ်ဆိုင်ရာ တက္ကသိုလ် ရွှေတံဆိပ်ဆု ရဟိခရေ။ ၁၉၃၂ ခုနှစ်တွင် ရန်ကုန်မြို့၌ ကျင်းပရေ အိန္ဒိယအစိုးရ ပဋိညာဉ် ဝန်ထမ်း (အိုင်-စီ-အက်စ်) စာမေးပွဲအောင်မြင်ခပြီး အောက်စဖို့ဒ်တက္ကသိုလ်သို့ တက်ရောက်ခွင့် ရဟိခ ရေ။ ၁၉၃၄ ခုနှစ်တွင် အိုင်-စီ-အက်စ် အစမ်းခန့်တိအတွက် ဗြိတိသျှအစိုးရ ပဋိညာဉ် ဝန်ထမ်း တိုင်းမင်းကြီးတိက ကျင်းပရေ စာမေးပွဲကို ဥပဒေဘာသာရပ်၊ စီးပွားရေးဘာသာရပ်၊ သမိုင်းဘာသာရပ် ရို့ဖြင့် ဖြေဆိုအောင်မြင်ခရေ။
၁၉၃၄ ခုနှစ်၊ အောက်တိုဘာလတွင် အိုင်စီအက်စ်အဖြစ် ခန့်ထားခံရပြီး မကွေး၊ သရက်နန့် စလင်းမြို့ တိတွင် နယ်ပိုင်ဝန်ထောက်တာဝန်ကို ၁၉၃၈ ခုနှစ်အထိ ထမ်းဆောင်ခရေ။ စစ်တွေမြို့၊ ပလ္လင်တော ရပ်ကွက်နီ ဦးသာဇံ၊ ဒေါ်မမကျော့ဧ့ သမီး ဒေါ်ခင်စောနန့် ဖူးစာရေစက် ဆုံခရေ။ ၁၉၃၈-၄၁ ခုနှစ်အထိ ပညာရေး၊ ကျန်းမာရေးနန့် ဒေသန္တရ အုပ်ချုပ်ရေး ဝန်ကြီးဌာနတွင် အတွင်းဝန်ကလေး အဖြစ် တာဝန်ထမ်းဆောင်ခရေ။ အတွင်းဝန်ကလေး တာဝန်ထမ်းဆောင်နီစဉ်အတွင်း ဒုတိယအတွင်းဝန်နန့် အတွင်းဝန်အဖြစ် ယာယီထမ်းဆောင်ခရရေ။ ၁၉၄၁-၄၂ ခုနှစ်အထိ ဗြိတိသျှအစိုးရက တိုက်ရိုက် ခန့်ထားရေ သံတွဲခရိုင်ဝန်၊ ၁၉၄၄-၄၅ ခုနှစ် ပညာရေး၊ ကျန်းမာရေးနန့် ဒေသန္တရအုပ်ချုပ်ရေး ဝန်ကြီး ဌာန တွဲဖက်အတွင်းဝန်တာဝန်တိကို ထမ်းဆောင်ခရေ။
ဗြိတိသျှ စစ်အုပ်ချုပ်ရေးကာလအတွင်း ၁၉၄၅ ခုနှစ်တွင် မြန်မာနိုင်ငံ မြို့ပြရေးရာဌာန ဒုတိယအကြီးတန်း မြို့ပြရေးရာ အရာဟိအဖြစ်လည်းကောင်း၊ မြို့ပြအုပ်ချုပ်ရေး ပြန်လည်ဝင်ရောက်လာပြီးနောက် ၁၉၄၅-၄၆ ခုနှစ်အထိ ကျောက်ဆည်ခရိုင်ဝန်အဖြစ် လည်းကောင်း၊ ၁၉၄၆-၄၇ ခုနှစ်အထိ စစ်လျော်ကြေး တောင်း ဆိုရေး ကော်မသျှင် တွဲဖက်အတွင်းရေးမှူး အဖြစ်လည်းကောင်း၊ ၄ ဇန်နဝါရီ ၁၉၄၇-၄၈ ခုနှစ် မြန်မာနိုင်ငံ လွတ်လပ်ရေးရရေ့နိ့၌ အိုင်စီအက်စ်တိအား တာဝန်မှ ရပ်စဲရေအထိ သယ်ယူပို့ဆောင်ရေးနန့် ဆက်သွယ်ရေးဝန်ကြီးဌာန အတွင်းဝန်အဖြစ် လည်းကောင်း အသီးသီး တာဝန်ထမ်းဆောင်ခရေ။
၁၉၄၈ ခုနှစ်တွင် အကြီးတန်းအုပ်ချုပ်ရေးအရာဟိအဖြစ် ပြန်လည်ခန့်ထားခြင်း ခံ ခ ရပြီး သယ်ယူ ပို့ဆောင်ရေးနန့် လမ်းပန်းဆက်သွယ်ရေး ဝန်ကြီးဌာန အတွင်းဝန်အဖြစ် ၁၉၅၆ ခုနှစ်အထိ ထမ်းဆောင် ခရေ။ ၁၉၄၇-၅၂ ခုနှစ်အထိ ရန်ကုန်ဆိပ်ကမ်းအုပ်ချုပ်ရေးအဖွဲ့ဝင်၊ ၁၉၄၇-၅၆ ခုနှစ်အထိ ကုန်းလမ်း သယ်ယူပို့ဆောင်ရေးအဖွဲ့ ဥက္ကဌ၊ ပြည်တွင်း ရေကြောင်း သယ်ယူပို့ဆောင်ရေး ဥက္ကဌ၊ မြန်မာနိုင်ငံ မီးရထားအဖွဲ့ အဖွဲ့ဝင် စရေ့ တာဝန်တိ ပူးတွဲထမ်းဆောင်ခရေ။
၁၉၅၆-၅၈ ခုနှစ်အထိ ကျန်းမာရေးဝန်ကြီးဌာန အတွင်းဝန်အဖြစ် တာဝန်ထမ်းဆောင်ခရေ။ ၁၉၅၈ ခုနှစ်တွင် နိုင်ငံတော် အတွင်းဝန်ချုပ်တာဝန် ထမ်းဆောင်ပြီး ဖေဖော်ဝါရီလ ၁၉၆၅ ခုနှစ်တွင် အတွင်းဝန်ချုပ် အဖြစ်မှ အငြိမ်းစားယူခရေ။ ၁၉၇၃ ခုနှစ်တွင် ကျင်းပရေ ပြည်လုံးကျွတ်ဆန္ဒခံယူပွဲ ကျင်းပရေးကော်မ သျှင် အဖွဲ့ဝင်၊ ၁၉၇၄ ခုနှစ်တွင် ကျင်းပရေ ပထမအကြိမ် ပြည်သူ့လွှတ်တော်နန့် ပြည်သူ့ကောင်စီ အဆင့်ဆင့်ရွေးချယ်တင်မြောက်ပွဲ ကော်မသျှင် အဖွဲ့ဝင် တာဝန်တိကိုလည်း ဆက်လက်ထမ်းဆောင်ရေ။ ၁၉၈၀ ပြည့်နှစ်တွင် မြန်မာပိဋကတ်အသင်း ရာသက်ပန် အသင်းဝင် တစ်ဦးလည်း ဖြစ်ခရေ။ ၁၉၈၂ ခုနှစ် နှစ်ကုန်ပိုင်းမှစပနာ သာသနာ ပြန့်ပွားထွန်းကားရေးအဖွဲ့ ပိဋကတ် ဘာသာပြန် စာတည်းဖြတ် မှု ကော်မတီ ဥက္ကဌနန့် ဂုဏ်ထူးဆောင် သဘာပတိအဖြစ် ကွယ်လွန်ချိန်အထိ ထမ်းဆောင်ခရေ။ နိုင် ငံတော်က ပီးအပ်ရေ့ တာဝန်တိကို ကြိုးပမ်းဆောင်ရွက်ခြင်းကြောင့် နိုင်ငံတော်က ချီးမြှင့်ရေ သရေစည်သူဘွဲ့ကို ရဟိခရေ။ နိုင်ငံတော် တာဝန် အဆင့်ဆင့်ကို သယ်ပိုးထမ်းဆောင်ခရေ အိုင်-စီ-အက်စ် (အငြိမ်းစား)၊ နိုင်ငံတော်အတွင်းဝန်ချုပ် (အငြိမ်းစား)၊ ကုလသမဂ္ဂဌာနချုပ် အထူးအကြံပီးအရာဟိ (အငြိမ်းစား) အဖြစ် တာဝန်ထမ်းဆောင်ခရေ။ ၃၁ ဇူလိုင် ၁၉၉၃ ခုနှစ်တွင် ရန်ကုန်မြို့၌ ကွယ်လွန်ခ ရေ။ ကွယ်လွန်ချိန်တွင် ဇနီး ဒေါ်ခင်တင့်နန့် သား(၈)ယောက်၊ သမီး(၂)ယောက်၊ မြေး (၂၃)ယောက် ၊ မြစ်(၅)ယောက် ကျန်ရစ်ခရေ။ ဦးရွှေမြဧ့ဇနီး ခေါ်ခင်တင့်ရေ ၉-၉- ၉၂ခုနှစ်တွင် ကွယ်လွန်ခပါရေ။ သားသမီးတိမှာ - ဦးထွန်းမြ၊ ဦးကျော်မြ (ကွယ်လွန်)၊ ဦးစိုးမြ၊ ဦးဝင်းမြ၊ ဦးမောင်မောင်မြ၊ ဒေါက်တာ ရဲမြ (သွေးရောဂါအထူးကုပါရဂူ-ငြိမ်း)၊ ဒေါက်တာအောင်မြ (ကလေးအထူးကု- ခွဲစိတ်ပါရဂူ)၊ ဒေါက်တာဇံမြ (နယူးယောက်ခ်)၊ ဒေါ်မြစန္ဒီ၊ ဒေါ်မြနှင်းဇီ (စာရေးဆရာမ) တို့ ဖြစ်ကတ်ရေ။
ကိုးကား[edit | edit source]
နိုင်ငံအကျိုးပြု အဖိုးတန်ရတနာတိ (၂) - အေးသိန်း စာအုပ်မှ -