Jump to content

Wp/rki/ဦးရစ်စွင်ဂလီ

From Wikimedia Incubator
< Wp‎ | rki
Wp > rki > ဦးရစ်စွင်ဂလီ
Ulrich-Zwingli-1

၁၅ ရာစုနှစ်အတွင်း ဥရောပတိုက်ပနာခရစ်ယန်သာသနာ့ အရီးပုံ ပေါ်ပေါက်နီစဉ်၊ ဂျာမနီမှ မာတင်လူသာနန့် ပြင်သစ်မှ ဂျွန်ကယ်လဗင်ရို့နည်းတူ၊ ဆွစ်ဇာလန်မှ ဦးရစ်စွင်ဂလီရေ ထင်ယှားလာခရေ။

စွင်ဂလီရေ ခရစ် ၁၄၈၄ ခုနှစ် ဇန်နဝါရီလ ၁ ရက်နိ တွင် ဆွစ်ဇာလန်ပြည် စိန်ဂေါမြို့၌ ဖွားမြင်ရေ။ ငယ်စဉ်က ဗန်း၊ ဗီယင်းနား၊ ဗားလမြို့တိတွင် ပညာသင်ကြားခပြီးကေ၊ ဗားလတက္ကသိုလ်မှ ဘွဲ့ရခဧ့။ ၁၅ဝ၆ ခုနှစ်တွင် ဂလားရူး နယ်ပ သင်းအုပ်ဘုန်းကြီးဖြစ်လာရေ။ ဂလားရူးနယ်မှ စစ်သားတိရေ အီတလီသို့ စစ်ချီရရေအခါ၊ စွင်ဂလီရေ သင်းအုပ်အဖြစ်နန့် လိုက်ပါလားခရရေ။ စစ်ချီရာမှ အပြန် တွင် ဆွစ်ဇာလန်စစ်တပ်တိကို ဥရောပစစ်မက်ရီးရာရို့၌ ကြေးတပ်တိအနေနန့် အသုံးပြုခြင်းကို ပြင်းထန်စွာကန့်ကွက်ရေ။ သို့ရာတွင် သူဧ့ ဟောပြောရီးသားမှုရို့မှာ နိုင်ငံရီး ဆန်ရေကြောင့် လူအတိဧ့ထောက်ခံမှုကိုမရချေ။ ယင်းချင့်ကြောင့် ဂလားရူးမှ ထွက်ခွာလာ၍၊ အိုင်ဇီဒင်တွင် ၁၅၁၆ ခုနှစ်၌ နီထိုင်ပြီးကေ၊ ဇူးရစ်သို့ ၁၅၁၈ ခုနှစ်၌ ပြောင်းရွေ့ခရေ။

၁၅၁၉ ခုနှစ်တွင် သာသနာပြုပြင် ပြောင်းလဲရီးတရားကို စပနာဟောရေ။ ယကေလည်း စွင်ဂလီရေ မာတင်လူသာနန့် သဘောထားကွဲလွဲရေ။ ၁၅၂၉ ခုနှစ်တွင် ယင်းသဘောထားကွဲလွဲချက် ရို့ကို စေ့စပ်ရန် မားဗုမြို့ကွန်ဖရင့်ကို ကျင်းပခကေလည်း၊ စွင်ဂလီရေ မာတင်လူသာနန့် မပူးပေါင်းဘဲ၊ ကယ်လဗင်နန့်သာ ပူးပေါင်းဆောင်ရွက်လီရေ။ ၁၅၃၁ ခုနှစ်တွင် သာသနာရီးဆိုင်ရာ သဘောကွဲလွဲမှုတိ ပြင်းထန်လာရာ၊ စွင်ဂလီရေ မိမိကိုယ်တိုင်ဦးစီးပနာရောမကက်သလစ်ရို့ကို တိုက်လီရေ။ အောက်တိုဘာလ ၁၁ ရက် နေ့တွင် ကပ္ပယ်တိုက်ပွဲ၌ စွင်ဂလီကျဆုံးလီရေ။ စွင်ဂလီကျဆုံးရာအရပ်၌ ကျောက်တုံး တစ်ခုပေါ်တွင် 'ရန်သူရေ ရုပ်ခန္ဓာကို သတ်နိုင်ကေလည်း၊ နာမ်ခန္ဓာကို မသတ်နိုင်'ဟု ကမ္ပည်းထိုးထားသောကို ဂနိတိုင်တွေ့နိုင်ရေ။[1]

ကိုးကား

[edit | edit source]
  1. မြန်မာ့စွယ်စုံကျမ်း၊ အတွဲ(၄)