Wp/rki/အာကာသအချိန်

ရူပဗေဒတွင် အာကာသအချိန် (အင်္ဂလိပ်: Spacetime) ဆိုစာမှာ အာကာသနန့် အချိန်ရို့ရေ အပြန်အလှန်ယှက်နွယ်နီရေ ဆက်စပ်မှုဟိရေအရာတိ အဖြစ်ဖော်ပြရေ သင်္ချာပုံစံတိကို ရည်ညွှန်းရေ။ ရှေးယခင်က စကြဝဠာဧ အာကာသအချိန်ကို ယူကလစ်ဆိုင်ရာ အာကာသ ရှုထောင့်မှနီပနာ အရှေ့အနောက်၊ ဘယ်ညာနန့် အထက်အောက် အတိုင်းအတာ သုံးမျိုးနန့် အချိန်အတိုင်းအတာ စုစုပေါင်း အတိုင်းအတာ လေးခုဟိရေ အရာအဖြစ် အဓိပ္ပာယ်ဖော်ဆောင်ခရေ။ အာကာသနန့် အချိန်ကို တစ်ခုတည်းရေအရာဧ အခက်အလက်နှစ်ခုအဖြစ်ယူဆရေ မင်ကောစကီး အာကာသ ရှုထောင့်နန့် ရူပဗေဒပညာသျှင်တိရေ ရူပဗေဒသီအိုရီ အတော်တိတိကို သိသာစွာ ရိုးသျှင်းလွယ်ကူစီရန် ဆောင်ရွက်နိုင်ခရေ။ ထိုအပြင် စကြဝဠာဧ ဂလက်ဆီတိဧ အတိုင်းအတာ ပမာဏတွင်လည်းကောင်း၊ အက်တမ်အောက်သေးငယ်ရေ အတိုင်းအတာ ပမာဏတွင် လည်းကောင်း ရူပဗေဒသီအိုရီတိကို ပိုပြီးကေ ညီညွတ်မျှတစွာ သျှင်းပြနိုင်ခရေ။