Wp/rki/ကွန်ဖြူးရှပ်ဘာသာ
ကွန်ဖြူးရှပ်ဝါဒရေ တရုတ်လူမျိုးရို့ဧ လူ့ကျင့်ဝတ်ဆိုင်ရာ နန့် အတွေးအခေါ်ဆိုင်ရာ စနစ်တစ်မျိုးဖြစ်ပြီးကေ တရုတ်အတွေးအခေါ်ပညာသျှင် ကွန်ဖြူးရှပ်ဧ အတွေးအခေါ်တိပေါ်မှာ အခြီခံပနာ တည်ဆောက်ထားရေ။ ယင်းစနစ်ရေ လူ့ကျင့်ဝတ်၊ လူမှုရီး၊ နိုင်ငံရီး၊ အတွေးအခေါ်နန့် ဘာသာရီးဆန်ဆန် ရှုပ်ထွေးရေ စနစ်တစ်မျိုး ဖြစ်ကာ အရှေ့အာရှဧ သမိုင်းတွင် လွှမ်းမိုးမှု ဟိခလေရေ။ တချို့ အရှေ့အာရှနိုင်ငံရို့ရေ ကွန်ဖြူးရှပ်ဧ အတွေးအခေါ်တိကို ဖြန့်ချိမြှင့်တင်လိ့ ဟိအတွက်နန့် ထိုဝါဒရေ အချို့ရေ အရှိအာသျှနိုင်ငံရို့ဧ နိုင်ငံတော်ဘာသာ အဖြစ်ယူဆနိုင်ရေ။
တရုတ်၊ ထိုင်ဝမ်၊ ကိုရီးယား၊ ဂျပန်နန့် ဗီယက်နမ်နိုင်ငံရို့ဧ ယဉ်ကျေးမှုတိမှာ ကွန်ဖြူးရှပ်ဝါဒ အကြီးအကျယ် လွှမ်းမိုးခြင်း ခံရရေ။ ယင်းချင့်အပြင် တရုတ်လူမျိုးတိအခြီချနီထိုင်လိ ဟိရေ စင်ကာပူနိုင်ငံပိုင် နိုင်ငံတိတွင်မှာလည်း ကွန်ဖြူးရှပ်ဝါဒ လွှမ်းမိုးခြင်း ခံရရေ။ ကွန်ဖြူးရှပ်ဧ ဝါဒကို လိုက်နာကျင့်သုံးရေ သူပေါင်း ၁.၅ ဘီလီယံလောက် ဟိလီဖို့ဟု ခန့်မှန်းရရေ။