Wp/rki/ကိန်းသီအိုရီ
ကိန်းသီအိုရီကို ရှေးခေတ်က ဂဏန်းသင်္ချာဟုခေါ်ရေ။ ယကေလည်းသော ဂုခေတ်အခါတွင် ကိန်းသီအိုရီဆိုရေမှာ ကိန်းဂဏန်းတိကို သာမန် အပေါင်း၊ အနုတ်၊ အမြောက်၊ အစားလုပ်ရေထက် တိစွာနက်ရှိုင်းကျယ်ပြန့်လာရေ။ ထို့ကြောင့် ကိန်းသီအိုရီကို အဆင့်မြင့် ဂဏန်းသင်္ချာဟုလည်း ခေါ်ကတ်ရေ။ အကျဉ်းအားဖြင့် ဆိုရကေ ကိန်းသီအိုရီဆိုစော် ကိန်းပြည့်တိ (integers) ကို အဓိကထား၍ လိလာသည့် သင်္ချာသန့်သန့် (pure mathematics) ဘာသာရပ်ခွဲတစ်ခု ဖြစ်ရေ။ ကိန်းသီအိုရီ ပညာသျှင်တိရေ ကိန်းပြည့်တိထဲတွင် သုဒ္ဓကိန်းတိကိုလည်းကောင်း၊ ကိန်းပြည့်တိနန့် ၎င်းရို့ဧဂုဏ်သတ္တိတိကို အသုံးပြုတည်ဆောက်ထားသည့် သင်္ချာဆိုင်ရာ အရာဝတ္ထုတိ (ဥပမာ၊ ရာသျှင်နယ်ကိန်းတိ) ကိုလည်းကောင်း၊ ကိန်းပြည့်တိဧ ဂုဏ်သတ္တိတိကို ခြုံငုံ၍ ယေဘုယျပြုထားသည့် ကိန်းတိ (ဥပမာ၊ ကိန်းရင်းတိ) ကိုလည်းကောင်း၊ အဆိုပါ ကိန်းပြည့်တိနန့် ဆက်စပ်၍ စားကိန်းဖန်သျှင် (divisor function)၊ ရီးမန် ဇေတာဖန်သျှင် (Riemann zeta function)၊ အွိုင်လာဧ တိုးရှန့်ဖန်သျှင် (totient function) အစဟိသည့် ဖန်သျှင်တိကိုလည်းကောင်း၊ နက်နက်ရှိုင်းရှိုင်း လိလာလိဟိရေ။ ကိန်းသီအိုရီကို သင်္ချာပညာတွင် အခြေခံကျကျ နက်ရှိုင်းရေ ဘာသာရပ်ခွဲတစ်ခုအဖြစ် သင်္ချာသမားအတိစုက ရှုမြင်လိဟိရေ။ "သင်္ချာမင်းသားကြီး"ဟု အမွှန်းတင်ခံရလိဟိသည့် ဂျာမန်သင်္ချာပညာသျှင် ဂေါက်က "သင်္ချာရေ သိပ္ပံပညာရပ်တိဧ ဘုရင်မ" ဖြစ်ပြီး၊ "ကိန်းသီအိုရီရေ သင်္ချာပညာရပ်တိဧ ဘုရင်မ"ဖြစ်ရေဟု တင်စားပြောဆိုခရေ။
ကိုးကား
[edit | edit source]- Beiler၊ Albert H. (1964)၊ Recreations in the Theory of Numbers (Dover Recreational Math) (2nd ed.)၊ Mineola, NY: Dover Publications၊ ISBN 978-0486210964
- Shuey၊ Linda Y. (2007)၊ "The Prince of Mathematics: Carl Friedrich Gauss"၊ Convergence (July 2007 ed.)၊ MAA၊ February 26, 2017 တွင် ပြန်စစ်ပြီး
- Weisstein၊ Eric W.၊ "Number Theory"၊ MathWorld--A Wolfram Web Resource၊ February 26, 2017 တွင် ပြန်စစ်ပြီး