Wp/rif/Muḥemmed Cikri
Muḥemmed Cikri (s Taɛrabt: محمد شكري , s Tefransist: Mohamed Choukri) d amyaru d Amaziɣ yura ungalen s Teɛrabt. Muḥemmed Cikri ilul di 15 Yulyuz 1935 di Ayt Ciker, di temnaḍt n Nnaḍur, di Arrif. Immut di 15 Nuwanbir 2003.
Deg wakud n laẓ di Arrif, tawacunt nnes terwel ɣer Tanja. Baba-s ttuɣa-t d askayri iccat tarwa nnes d tmeṭṭuḍṭ nnes.
Muḥemmed Cikri umi iẓṛa manaya irwel zi taddart nnes, ibda ikkal itnus di zzenqet mani tuɣa itacer min ɣa yecc, mani itettar niɣ iznuza taḥcict.
Arami ittwaṭṭef di tkurmut (leḥbes) umi ttuɣa ɣar-s 20 iseggusa, isselmed as ijj n uneḥbus tira n Taɛrabt.
Yura aṭṭas n yidlisen zag-sen Aɣrum Ḥafi. Adlis nni ittwasuɣel ɣar 40 n tutlayin. Aɣrum Ḥafi ittwagdel deg Umeṛṛuk deg wakud n Ḥasan wiss 2.
Di 15 Nuwanbir 2003, immut Muḥemmed Cikri di usganfu aserdas di Aṛbaṭ.