Wp/rif/Arrif

From Wikimedia Incubator
< Wp‎ | rifWp > rif > Arrif
Jump to navigation Jump to search
Arrif, s ulccin
Idurar n Accawn


Arrif (niγ Idurar n Arrif) ḍ ij-n lmentaqa gi Ugafa n Lmeγrib. Imezdaγ ines d Irifiyen, twahsaven d Imaziγen am Isussiyen ed Iqvayliyen n Dzayar. Sawaren Taritifh (nethnin tuthlayth nsen qanas Tamaziγth).

Tindinnen n Arrif gi Arrif[edit | edit source]

Lista-ya gw-aggiγ dages thindinnin n Arrif migi zedγen ktar zi 10.000 n imezdaγ:

Naḍor, thandint-a ig yeğğan t-tameqrant qaε gi Arrif. Macca ur twahsib ci d lεassima n Arrif. Lεasima ines d Lhusima.

Lhusima, thandint wis thnayn s imezdaγ ines. Twahsab d lεassima n Arrif. Isem ines s Tarifith qanas Biya (niγ, qber amkan nni m-ad yebna, Thijdit).

Imzuren

Aεarwi

Miḍar

Ayth Buεeyac

Azγenγen

Driuc

Ajḍir

Dcurath nedden: Ajḍir, Tfarsith, Aith Tayeb, Aknul, Thiztuttin, Arekman, Budinar, Tazaγin, Thaddarth Ukebdan eḍ Tara Zohra

Amezruy[edit | edit source]

Gi 1912 Arrif yudfith-id Uspanyo a mamek ksen Fransa ed Spanya jar-asen gi "La Pacte" n Xuziras. Listiεmar n Spanya ruxeni idebda. Irifiyen macca manayni urthxissen ci. Yekkard εabdkrim Lxattabi (gi Arrif isem ines: Mulay Muhend) ismun thiqbirin n Arrif mara huma adgen gerra ag Uspano ath sufγen zi thamorth nsen. Zi 1921 tar 1926 rharb n Arrif yuqqeε. Gi rwext nni Irifyen tehkamen x ixfnsen gi Thagduda n Arrif, mizi tfand listiqlal nsen zi Spanya. Spanya ed Fransa agayta munend mara, harbend Irifiyen, arebhen xasen. Tfan Mulay Muhend, sekkenth γar La Reunion, Spanya thestaεmar Arrif tar 1956. Ruxeni thucca Arrif i Lmeγrib.

Tussna[edit | edit source]

Thiqbirin n Arrif[edit | edit source]

Arrif dages 14 n thiqbirin. Thina ggant:

- Ait Yetteft - Ibeqquyen - Aith Waryaγer - Ait εammarth - Igzennayen - Ait Tuzin - Ait Temssaman - Aith Uricek - Ait Tfarsit - Aith Sεid - Ibdarsen - Aith Buyehyi - Iqerεiyen - Ikebdanen

Amezgaru ra-ḍ thiqbirin n Aith Bufrah eḍ Aith Gmil twahsabent ḍ Arrif, macca ruxa thiqbirin-a twaεrabent. Gi rwext-a imezdaγ nsend utwehsiben ci d Irifiyen. Gi Arrif qanasen twahsaben d Ijebliyen.