Wp/qug/Dolores Cacuango

Dolores Cacuango, San Pablo Urku (Cayambe kiti, Ecuador) 1881 watapi wacharishka, 1971 watapi Kayampipi wañushka, shuk Kayampi warmimi karka. Payka kichwa runakunapak shuk hatun ñawpaman pushak karka, chaymanta Mama Dulu nishkami karka. Payka kichwa runakunata allpayuk tukuchunmi munarka, chaymanta tukuy paypak kawsaypi wakcha runakunawan mishu allpayukta makanakurka. Shinallatakmi, mama Tránsito Amaguañawan, ishkay kawsaypi, ishkay shimipipash yachay wasikunata rurarka. Shinapash allpayuk mishukunaka chapakunawan Mama Duluta makashpa kawsashka, shinallatakmi payta Wichana wasipi churarka. Payka wiñay wakchalla kawsarka, shinallami wakchalla shuk uchilla wasipi wañurka.

Payka nirka, "pitishka urku uksha shina, kutin wiñakmi kanchik, shinami, urku uksha shinawan pachamamata katachishun", kashna paypak yuyaypi "Imashina inti tayta tukuykunata kunukyachin, nima ashtawan nima pishita, kari-warmikunata, shinallatakmi yachayka tukuykunaman achikyachinka, charikkunata, wakchakunata, amukuna cashpa serviciokunamanpash".