Wp/qug/Asia

From Wikimedia Incubator
< Wp‎ | qugWp > qug > Asia
Jump to navigation Jump to search
Asia allpapachaka, Tiksimuyupi.

Asia nishkaka shuk allpapachami kan. Tukuy allpapachakunamanta, Asiaka ashtawan hatun, runakunayukpashmi kan: payka 43 810 582 km² allpatami charin, Asia allpapachapi 3 879 000 000 runakunaka 2006 watapi kawsarka[1]. Asiamanta chinchayman Chinchaypi chiri mamakuchami tiyan, Urayman Índico mamakuchami tiyan, Intiyaykuyman Puka mamakucha, Africa, Europapashmi tiyan, Intillukshiyman Pacífico mamakuchami tiyan.

Asiapak ashtawan runakunayuk mamallaktala China mamallaktami kan : China mamallaktapi 1 338 000 000 runakunami kawsan, ashtawan allpayuk mamallaktaka Rusia mamallaktami kan, payka 17 098 242km² allpatami charin - 75% Asiapi, 25% Europapi. Asia allpapachaka Tiksimuyupak ashtawan hatun urkukunatami charin, shina Chumulunkma urku (8848m hanak), chay urkukunaka Himalaya urkukunami kan.

Asia allpapachapi, runakunaka tawka shimikunami riman, shina Chinis shimi, Hinti shimi, Rusu shimi, Haponis shimi, shuk shimikunatapashmi. Yallik hatun llaktakunaka Pacífico, Índico mamakuchakunapak manyakunapi tiyan, Beijing, shina Tukyu, Siyul, Mumpay, shukkunapashmi.


Kaypipash rikupay[edit]