Wp/ppl/Rubén Darío

Felix Ruben Garcia Sarmiento, kaj tiktukeytiat Ruben Darío.

Felix Ruben Garcia Sarmiento, [1] kaj tiktukeytiat Rubén Darío, se tawawasuni katka. Yaja nesik tik ne techan Metapa ka Nikanhanawak, ne tunal kashtul yey, pal ne metzti se, tik ne shiwit se shikipil chikwey tzunti yey pual chikume (1867). Wan yaja mikik tik ne wey techan León, ne tunal chikwasen, pal ne metzti ume, tik ne shiwit se shikipil chiknawi tzunti kashtul se (1916). Yaja kipia katka ume pual chiknawi shijshiwit.

Yaja se wey tatuktiani pal ne movimientoj itukey “modernismoj” tik ne Americaj Latinaj wan yaja se “tatuktiani pal ne tajtajkwilulchichin Castillachanejket.”[2]

Ipanpa Ichtaka

Ne iteku, itukey Manuel Garcia katka, wan yaja inan, itukey Rosa Sarmiento katka. Ne piltzin Dario sujsul igustuj ne amachti katka: Tajtzin Quijote ipal Mancha, Shikipil Wan Ume Tayua, Ne Bibliaj, wan ne intekiw inpal Cicerón, Moratín, wan Madame de Stael.

Dario mumachtia tik ne wey techan Managua katka. Nemanha, yaja pashalua ka Kuskatan katka ne metzi chikwey, tik ne shiwit se shikipil chikwey tzunti nawi pual ume. Yaja pashalua nusan ka Kwawtemalan, Costa Rica, Chile, Cuba, España, Francia, Ejestadoj Senputzujtuk, Argentina, wan Brasil.

Ne achtu isiwat itukey Rafaela Contreras Cañas katka. Dario munamiktij iwan Contreras tik ne Kuskatan, ne tunal se pual se, pal ne metzti chikwasen, tik ne shiwit se shikipil chikwey tzunti nawi pual majtakti (1890). Yaja kipia katka iwan isiwaw se ipijpipil, wan itukey Rubén Darío Contreras.

Wan ne ume isiwat ipal itukey Rosario Murillo katka. Dario munamiktij iwan Murillo tik ne shiwit se shikipil chikwey tzunti nawi pual majtakti yey (1893). Yaja kipia katka iwan Murillo se shulut, melka ne shulut mikik san yaja nesik.

Wan ne yey isiwat itukey Francisca Sanchez katka. Yaja kipia iwan Sanchez ne yey ipijpipil katka.

Itekiw

Ne amachti "Pax" ipal Rubén Dario.

1887: Abrojos

1887: Rimas

1887: Canto épico a las glorias de Chile

1888: Susul....

1888: Primeras notas, [Epístolas y poemas, 1885]

1896: Prosas profanas y otros poemas.

1905: Cantos de vida y esperanza. Los cisnes y otros poemas.

1906: Oda a Mitre.

1907: El canto errante.

1910: Poema del otoño y otros poemas.

1914: Canto a la Argentina y otros poemas.

1919: Lira póstuma.

Ipanpa Uni

1. https://es.wikipedia.org/wiki/Rub%C3%A9n_Dar%C3%ADo#cite_note-Sin-nombre-p2Ny-1-1
2. https://es.wikipedia.org/wiki/Modernismo_(literatura_en_espa%C3%B1ol)
3. https://social.shorthand.com/teleSURtv/nyYtylMCczf/ruben-dario-el-principe-de-las-letras-castellanas