Wp/ppl/Masat

From Wikimedia Incubator
< Wp‎ | pplWp > ppl > Masat
Jump to navigation Jump to search
Ne Wikipediaj Tik Nawat

Achtu Iswat
pal Wikipediaj

Tepalewilis
Tajtaiwan
Chinamit

Se masat

Ne masat se animal ipal ne familiaj itukay Cervidae. Nemi tik kojtan, weli mupewia wan ajwiak pal tikwat. Ne ijikshi wejweyak wan ne ikechkuyu nusan weyak, wan ne ukich kipia cajcachoj ne muitat ken kwajkwawit. Weli mutalua wey kwak mumutia. Nemit majmasat ipal clajclasej tekenhat achka nujme ne taltikpak, sema tik Australia wan Antarctida inte kanaj. Tik Kuskatan muajsit se itukay Odocoileus virginianus Bodd wan seuk mas chikitik itukay Mazama sartori Sauss.[1] Sujsul ajwiak ne iayu masat. Tik ne tapualis ipal ne Nanawatzin, ne itzuntekun se siwat musalua itech ne ikechtan se masat; ne masat mumutia, kisa mutalua, muustuwetzi wan miki, wan kan wetzki takati se wajkal wan ijtik uni wajkal kisat ne Nanawatzin wan ne iechkawan, ne tepewa ká kichiwat ka wetzi ne at. Ne masat nusan muajsi tik uksejse tapualis.

References[edit]

  1. Leonhard Schultze Jena, Mythen in der Muttersprache der Pipil von Izalco in El Salvador, 1935, iswat 107.