Wp/ppl/Marcelino Galicia Fabián (Tata Chelino)

Marcelino Galicia Fabián (Tata Chelino) se nawataketza ipal Takuwa.

Nesik ne shiwit 1908 tik Takuwa ipal ne itakutun ne Kuskatan itukay Ahuachapán wan mikik ne kashtul tunal ipal ne Metzti Chikume tik 2012 kwak kipia tzunti nawi (104) shiwit. Ne ikunpawan tik ne itechan kitukaytiat katka - Chelino. Sejse inat ka anka yaja ne tipan takat ush siwat ne welituya sujsul yek ne itaketzalis Nawat ipal Takuwa; ini se dialectoj ipal ne wey taketzalis Nawat ipal Kuskatan. Yaja tekiti katka tik ne tal, yaja tatukani. Nusan yaja wey tamatini ne welituya kichiwa ne wewet wan kujkwilu pal ne welit kintzutzunat, ijkiuni ukse welit mijtutiat wan ne takwikalis ken ne tekwani wan ne masat. Sergio Sibrián kichijki se documental ipanpa Tata Chelino wan itukay El Tigre y El Venado tik Kastiaj. Tajtzin Sibrián kinhilwitij ne documental pal ne inchanejket ne techan Los Orantes, kan nesik Tata Chelino, ne 8 Febrero 2013. Kipiatuskiaya 105 shiwit uni tunal tajtzin Marcelino. Tikelnamikikan!

Sejse ilpika tik ne Internet

[http:// https://escuelapopularcineytv.wordpress.com/2013/02/20/fotos-el-tigre-y-el-venado-documental-de-sergio-sibrian-participante-de-la-escuela-popular-de-cine-es-estrenado-en-el-salvador/ Ne documental itukay Ne Tekwani wan ne Matzat, kichijki Sergio Sibrián].