Ne Kwechwaj se kuat ipal ne familiaj itukay Viperidae. Muajsit ka Meshijku wan ne Shiktal tik ne tal waktuk nusan tik ne waktuk kojtan. Inte muajsit tik Panamaj pero nemit nusan tik Colombia inawak ne lamal. Tik Yucatan (Meshijku) nemi se clasej kwechwaj itukay ‘tzabcan’ tik Mayataketzalis. Ne Maya metzali ikman kinmawistiliat katka ne kwechwaj wan kitalijket tik miak teujteupan wan ajamat. Ne ukichkwechwaj mas weyak (150 cm) ke ne siwakwechwaj (130 cm). Ne kwechwaj sujsul tesajsay ika yaja kipia se benenuj ne kimiktia ne chanejket sujsul talul. Pero yaja tesu kineki kinmutia ne wey animalmet ken ne takat ika tesu weli kinkwa. Yajika yaja kitzilinia ikwitapil pal ma kimatit ka yaja nemi achka. Ne kwechwaj kikwa ne tutut wan ne tuchti; ne kwechwaj ibenenuj tesu weli kimiktia ne takwatzin yajika ne takwatzin weli kikwa ne kwechwaj.
.jpg)