Ne Megarhyssa yaja sujsul weyak 150 mm iwan ne ovipositor (se wey kulaj pal takalaktia ne iteksis)
Clasificacion
Reinoj : Animalia
Filoj: Artropoda
Clasej : Insecta
Orden : Hymenoptera
Familiaj : Mijmiak ken ne Vespidae, Ichneumonidae, Braconidae
Ne Etzat se insectoj ipal ne orden itukay Himenoptera.[1] Tik ne Himenoptera nemi nawi takutun: tzikat, etzat, abeja wan ne muyut wan sierraj; ini tesu Muyut ne nemi tik ne Orden itukay Diptera. Tiwelit tikmatit ne etzat u ne ukse himenoptera tesu muyut ika ne muyut kipia semaya ume iejtapal wan ne etzat kipia nawi. Sejse etzat sujsul weyak. Se tik ne Familiaj Ichneumonidae, ne itukay Megarhyza kipia 51 mm tik ne iweyka wan nusan se Ovipositor ne kipia 100 mm wan iwan ne ovipositor weli kinkalaktia ne iteksis ijtik ne kwilin ka nemi kalijtik ne kwawit. Ini etzat yaja Parasitoide. Ne etzat yejemet kipiat ne mas chikitik insectoj, semaya 0.139 mm wan yaja mas chikitik ka ne amibaj.[2]. Sejse entomologoj inat ka ne etzat anka ne Orden ne insectoj ne kipia ne mas clasej te kenha (especiej), anka mas ka ne shikut ne kipia 600,000 especiej.
Ini wey etzat weli kitzkia ne wey tukat Picacaballoj
Ne insecto ne mas chikitik yaja ne etzat Dicopomorpha wan semaya 0.139 mm
↑Ne taketzalis etzat muajsi tik ne iamaw, Lyle Campbell (Campbell, Lyle. (1985). The Pipil language of El Salvador. Mouton. Mouton grammar library), p 212 wan kinutzat katka ijkiuni tik Witzapan. Melka ashan, anka tesu aka kielnamiki ne taketzalis etzat.
Ini wey etzat weli kitzkia ne wey tukat Picacaballoj
Ne insecto ne mas chikitik yaja ne etzat Dicopomorpha wan semaya 0.139 mm
