Wp/ppl/Picacaballoj
|
 |
| Clasificacion |
|---|
| Reino : Animalia |
| Phylum : Artropoda |
| Clasej : Aracnida |
| Orden : Araneae |
| Familiaj : Theraphosidae |
Ne picacaballoj se wey Tukat, (tarantula) ipal ne familiaj itukay Theraphosidae. Sejse yejemet tik ne Shiktal sujsul wey, anka 15 cm. Melka techmutia sujsul ika wey wan kupajsul (pachon), ne tarantula tesu tesajsay ipal ne chanejket u takwalmet ken ne turuj u caballoj. Ne tajtarantula tesu kipiat venenoj tesajsay pal techmiktiat, semaya pal kitzkiat ne chikitik intajtakwal ken ne chajchapulin u kwijkwilin. Sejse yejemet nemit tik ne kwawit, sejseuk tik ne tal ken ne tzakatal kanka ne turuj u caballoj nemi. Ka né, ne tarantula kichiwa se shaput wan kitalia se tapepechul ipal itzawal. Ijtik né yaja kalwika ne chapulin u seuk wey insectoj pal kikwa, sejseujti kitzkia chikitik kuat, kuke, kimichin u tutut. Miak chanej tik ne Shiktal inat miak cuentoj ipanpa ini tarantula, yajika itukay picacaballoj: 1) yaja kimutua ne inmetzkuyu ne caballoj wan ini kukuya; 2) sute, ne caballoj kukuya kwak yaja kikutuna ne iuhmiyu ne inmetzkuyu; 3) ne itzawal ne tukat kipia venenoj wan ne caballoj kukuya wan ini muustamima tik ne shaput u kupewi ne inmetzkuyu. Muchi ini tesu tejkia, semaya cuentoj (1). Ken ne sejseuk tujtukat, ne tarantula techpalewia ika yaja kikwa ne ijinsectoj teyek ne kikwat ne tatuk.
Referencia
[edit | edit source]1. C. La Tarántula pica caballo. Editorial INbio. Accessed on 17 Sep.[1] Viquez, 11.