Wp/pdt/Mennoniete

From Wikimedia Incubator
< Wp‎ | pdt
Wp > pdt > Mennoniete

Mennoniete, uck Menniste jenant, send eene reformede tjristliche Konfessioon enne Traditioon vonne Deepa. Dee Nome staumt vom Jrinda Menno Simons ut Frieslaunt.

Aum Aunfang we daut Wot „Mennoniete“ een Schellwot, lota word dee Nome vonne Grupp selwst ewanome. Mett dem Wot Mennoniete send jeweenlich aula dee Mensche jemeent, woone sich to dee Konfessioonsgrupp tale. Mett Menniste doajeajen send jeweenlich dee jemeent, woone eene Jeschicht aus Russlaunt-Mennoniete habe en jeweenlich uck Plaudietsch rede. (Vele ut dise latste Grupp jehere vondoag nich meea to eene Mennoniete-Tjoatj.)

Oppe gaunze Welt jefft daut ewa 1,3 Millioone Mennoniete (Mennonitische Weltkonferenz 2003). Dee Mennoniete lewe en meea aus 60 Lenda: USA en Kanada (42 %); Afrika (28 %), Asien en Australien (16 %); Karibik, Meddelamerika en Siedamerika (9 %) en Euroopa (5 %). En Dietschlaunt woat een Unjascheet jemoakt tweschen Mennoniete ut Russlaunt (Russlaunt-Mennoniete, see t.B. BTG) en Mennoniete, woone aul emma en Dietschlaunt tus were (see t.B. AMG).

Weblinks[edit | edit source]