Wp/pdt/Deepa
Mett dem Wot Deepa send soone Mensche jemeent, woone em 16. Joahundat to eene velschichtje tjristliche Reformatioons-Beweajung jehede. Dee Deepa, uck Wadadeepa ooda Anabaptiste jenant, haude enne Schweiz, en Tirool, en Sieddietschlaunt en en Oost-Frieslaunt earen geografischen Aunfang, haude sich oba zimlich boolt ewa gaunz Zentraul-Euroopa vebreedt.
Gruntjedanke en Nome
[edit | edit source]Bie dee Deepa tald (aundasch aus bie dee Katoolitje ooda bie Martin Luther) bloos daut Deepe (dee Taufe) von erwossne Mensche, woone disen Akt von sich ut, weajen earem Gloowe en ver aundre Mensche wulle. Daut Deepe von Tjinja tald aus onbiblisch en haud doaweajen nom Deepavestentnis tjeene Bediedinj. Dee Betetjninj aus "Wadadeepa" ("Anabaptiste") kaum doaweajen em Jebruck, wiels vele Mensche enne Aunfangstiet vonne Deepa sich tom tweeden Mol deepe leete: Aus Tjint (en jewesne Katoolitje) were see aul eenmol jedeept, dan leete see sich noch eenmol deepe.
Deepa vondoag
[edit | edit source]Ute Deepa-Beweajinj enne Tiet vonne Reformatioon habe sich veschiedne Gloowesgruppe en Tjoatje entwetjelt. Dee Deepa-Beweajinj es eene von dee Wartle von dee vondoagsche Mennoniete, Huttera en Amische - en em jewessen Senn uck vonne Baptiste.
Bekaunde Mensche manke Deepa
[edit | edit source]- Jörg Blaurock
- Hans Denck
- Konrad Grebel
- Melchior Hofmann
- Balthasar Hubmeier
- Hans Hut
- Jakob Hutter
- Bernd Knipperdolling
- Jan van Leiden
- Felix Manz
- Pilgram Marbeck
- Obbe Philipps
- Michael Sattler
- Menno Simons
- Dirk Willems
Weblinks
[edit | edit source]- The Radicals (USA 1990), Regie: Raul V. Carrera, Enjl. mett Unjatitel, rant auf en too bie Bibel-TV
- Literaturverzeichnis zur Geschichte und Theologie des Täufertums Literatua to dee Jeschicht en Teoloogie vonne Deepa (opp Hochdietsch)
- Schulprojekt: Wiedertäufer in Münster Deepa enne Staut Münster
- Die Täufer Hochdietsche Deepasied von Kerstin Hack
- Täuferjahr 2007 im Emmental Informatioone tom Deepajoa 2007 enn Schweiz