Wp/pdt/Film
Dee Film es eene Form von Kunst, dee enne Produktioon von beweajde Bilda to seene es. Jeweenlich woare dee Bilda mett eenem Filmprojektor opp eene Lienwaunt geschmete ooda opp eenem Biltschorm realiset. Vondoag haundelt sich daut biem Kino en biem Telewiesa meschtens omm Filme mett foawje Bilda, woone vetoont en musikaulisch unjamolt send. Dee Film es mank aundret Jeajenstaunt von Filmweetenschauft en Filmteorie. Dee technische, kulturelle en tjinstlarische Entwetjlung von disem optischen Medium - von utgangs 19. Joahundat bett vondoag - beschrift dee Filmjeschicht.
Auljemeen reatjent maun dem Film to dee Kunstform Literatua en Teauta. Unjascheede deit maun tweschen Oat, Zwatj, Enhault en Form von eenem Film, soo daut et dan t. B. dise Sorte Film (Filmgenres) jefft: Kriminalfilm, Dokumentarfilm, Komeedie, Stommfilm, Science-Fiction-Film, Horrorfilm, Tjrichsfilm, Leewesfilm esw.
Filmproduktioon
[edit | edit source]Dee Phase von eene typische Filmproduktioon send:
Technik
[edit | edit source]Filme send ut statische Eenzelbilda jemoakt. Dee filmscha Effekt, dee Illusioon vom Beweaje, tjemmt biem Tjitja, wan Eenzelbilda schwind hinja-eenaunda jewiest woare. Bie eene Frekwenz von onjefea 15 Bilda pro Sekund sitt dee Mensch nich meea dee eenzelne Bilda: Ahm tjemmt daut nu vea, aus wan sich dee Bilda beweaje. Daut tjemmt doavon, daut dee Stroboskopeffekt en dee Nachbildwirkung (Trägheit von onse Oge) toop wirtje en oppe Nathut vom menschlichen Og dee Bilda nich meea aus Eenzelbilda jeseene woare en optisch gaunz en goa no ajchtet Beweaje litjent.
Plautdietsche Filme
[edit | edit source]Filme opp Plautdietsch jefft et bett nu kaum, oba daut schient sich to endre: Stellet Licht von Carlos Reygadas - bett nu dochwoll dee eenzja Kinofilm opp Plautdietsch - es 2007 oppem Filmfast en Cannes international bekaunt jeworde em mettem Jury-Pries utjetetjent worde. Dokumentarfilme ewa daut plautdietsche Voltj, dee Menniste, send aul zimlich vele jemoakt worde. International bekaunt jeworde es 2006 Living in a Perfect World von National Geographic Channel International - doa woat uck zimlich vel Original Plautdietsch jeredt.
Literatua
[edit | edit source]- Kevin Brownlow: Pioniere des Films. Vom Stummfilm bis Hollywood (OT: The Parade's Gone by...). Schriftenreihe des Deutschen Filmmuseums Frankfurt am Main. Stroemfeld, Basel und Frankfurt am Main 1997, ISBN 3-87877-386-2
- Malte Hagener, Michael Töteberg: Film - an international bibliography, Stuttgart [u.a.]: Metzler, 2002, ISBN 3-476-01523-8
- Henry V. Hopwood: Living Pictures: Their History, Photo-Production and Practical Working. With a Digest of British Patents and Annotated Bibliography. London, 1899
- David S. Hulfish: Cyclopedia of Motion-Picture Work. Chicago, American Technical Society; 1911
- Thomas Koebner (Hrsg.): Reclams Sachlexikon des Films. Philipp Reclam jun., Stuttgart 2002, ISBN 3-15-010495-5
- Jörg-Dieter Kogel: Europäische Filmkunst: Regisseure im Porträt, Fischer-Taschenbuch-Verlag, Frankfurt am Main 1990, 207 S., ISBN 3-596-24490-0
- James Monaco: Film verstehen: Kunst, Technik, Sprache, Geschichte und Theorie des Films und der Medien; mit einer Einführung in Multimedia, Rowohlt 2000, 699 S., ISBN 3-499-60657-7
- Georg Schmid: Sublimieren und Verbildlichen. Die Ein-Bildungen des Kinos.- In: Georg Schmid, Die Spur und die Trasse. (Post-)Moderne Wegmarken der Geschichtswissenschaft, Wien (Böhlau Verlag) 1988, S. 157-220. ISBN 3-205-05149-1
- Geoffrey Nowell-Smith (Hrsg.): Geschichte des internationalen Films, Stuttgart: Metzler 2006, ISBN 3-476-02164-5
- Michael Töteberg (Hrsg.): Metzler Film Lexikon. 2. Auflage Stuttgart: Metzler 2005, ISBN 3-476-02068-1
- Eugène Trutat: La photographie animée. Paris, 1899
- Amos Vogel: Film als subversive Kunst, Rowohlt Taschenbuch, 2000, ISBN 3-499606-60-7
Weblinks
[edit | edit source]- Lexikon fe Filmwed - opp Dietsch
- filmarchives-online.eu Kataloog vonne europeische Filmarchive