Wp/pdt/Stellet Licht

From Wikimedia Incubator
< Wp‎ | pdtWp > pdt > Stellet Licht
Jump to: navigation, search

Stellet Licht (opp spaunisch Luz silenciosa, enjlisch Silent Light, ooda franzeesischa Festivaltitel Lumière silencieuse) es een Spelfilm von Carlos Reygadas. Dee Film word aus eena von 22 Filme fe den Konkurs oppem Internationalet Filmfast en Cannes 2007 nominet.

Fe Stellet Licht haft dee mexikaunscha Regisseur Carlos Reygadas soo aus en siene latzte Filme ("Japón", "Battle in Heaven") wada soone Mensche enjesat, woone nich professionale Schauspelasch send. Dee Film word vom World Cinema Fund (WCF) vonne Berlinale unjastett. Dee Produzente send Mantarraya Producciones en NoDream, toop mett BAC Films, Arte France Cinema, Foprocine en Motel Films aus Co-Produzente.

Haundlinj[edit]

Stellet Licht vetalt dee tragisch-poeetische Leewesjeschicht von Menniste em Node von Mexiko. Dee mett Esther befrieda Jehaun veleewt sich en Marianne en stalt sich doamett jeajen siene Jemeind en jeajen Gott. Die Original-Sproak von disem Film es Plautdietsch.

Uttetjninj[edit]

2007 we Stellet Licht von Carlos Reygadas em Konkurs oppem Internationalet Filmfast en Cannes 2007 doabie, woo hee mettem Jury-Pries (Prix du Jury) utjetetjent word - toop mett Marjane Satrapi en Vincent Paronnaud ea Animatioonsfilm Persepolis.

Sonstjet[edit]

Dee Hauptschauspelasch kome ut veschiedne Lenda en spejle eenen Deel vonne mennische Migratioonsjeschicht: Miriam Toews lewt en Kanada, wohan utgangs 19. Joahundat een groota Deel vonne Menniste utem jewesne Siedrusslaunt (vondoag Ukraine) utjewaundat es. Eenje von dise Menniste habe enne 1920ja Joare en lota nieee Koloniee en Mexiko oppjebut, woo Cornelio Wall vondoag tus es. Dee Deel vonne Menniste, woona bettem 2. Welttjrich enne jewesne Sowjetunioon jeblewe we, es enne Tweschentiet uck wieda jetrocke - aus een Deel vonne Omsiedlagrupp (Aussiedler) no Dietschlaunt: Maria Pankratz es eene von ahn; see es en Kasachstan jebore en lewt vondoag em westfaulsche Espelkamp.

Maria Pankratz en uck Miriam Toews send em Sommer 2006 ewa dem Vereen Plautdietsch-Freunde e.V. opp eenem Casting en Detmold vermeddelt worde - see doatoo uck Artikel von Garance Burke (Associated Press) en Globe and Mail vom 12. Mei 2007.

Aum 2. Aprell 2009 we dee Kinostart fe Stellet Licht en Dietschlaunt. Prograum-Kinos en Berlin, Hamburg ooda Frankfurt wiese dem Film.

Weblinks[edit]