Wp/nyn/Ray G

Ray G

human

sex or gender	male
country of citizenship	Uganda
given name	Reagan
family name	Muhairwe
date of birth	12 June 1992
occupation	songwriter, musician

Reagan Muhairwe owazairwe (12 June 1992), Orikumanywa nka Ray G Rhiganz N'omunya Uganda ari kweshongora kandi akahandiika ebyeshongoro. Nayeshongora kukirayo omu bunyakare bwe arikukozesa orurimi rwe orwa Runyankore. Akatandika kweshongora omu 2009 akiri omu ishomero kuhitsya 2014 obu yarabamu akamanywa na ekyeshongoro kye ekya Amarari. Ray abagaineho za sitegi mpaango nabeshongozi bamaani nka Eddy Kenzo, Meddy na Jose Chameleone aha Johnnie Walker Highball tour omuri Mbarara, N'omwe omuri Allan Toniks, Sister Charity, Juliana Kanyomozi abari kuruga omuri burengyerwa-izooba bwa Uganda.

Akashomera Ishaka Adventist Collage, ahabwa Uganda Certificate of Education na Uganda Advanced Certificate of Education ebi yamazire omu 2012 atakamanyirwegye aha rurengo rw'ahaiguru omu ryo muziki.Taregeitsire aha university ahabw'okugira ngu abaziire be bakaba bataine sente z'okumushashurira omu Univasite ahabwokugira ngu akaba aine abarumuna bingi barikwenda kuza ahaishomero.Akarabamu kumanywa aha rurengo rwa East Africa bwanyima yokukora ekyeshongoro na Spice Diana ekyirikwetwa Omusheshe.

Aha kujaguza emyaaka 10 yo Muziki, akatekaho ekyafayo kyo kugira abantu baingi abaizire kumuhagira omuri burengyerwa-izooba aha ebiro 14 by'okwa ikumi na kumwe 2019 omuri Mbarara City. Ekyi kikasika za kampani, nka 91.3Capital Fm, Africell Uganda, 91.2 Crooze Fm na NBS Television.

Omu 2021, Ray G akasingura ekirabo ekyokuba orikusingayo oburungi omukweshongora kuruga omu burengyerwa-izooba, ekyaheirwe aba Janzi Awards, ekyirabo ekikufayo munonga aha beshongozi abari kukoragye omu muziki gwa Uganda na East Africa.

Bwanyima y'okubarukaho kwa COVID-19 pandemic, Akaimutsya eiraka eryabiire rigyenderiire ku shomesa abantu aha buzibu bwa vayirasi. Ekyi kikakorwa kurabira omu kyeshongoro ekyabiire kyiriho na Bebe Cool, Catherine Kusasira, ekyayetsirwe Corana Distance.

Omu 2021, bakamutwaara omu kooti barikugira ngu akaryarya omuntu owu baabeire bikyiriziine kuza kumweshongorera, ahi Ray G n'omureberezi we Clifford bakakyiira million 2 za Uganda kweshongora ahabugyenyi omuri Ibanda Disturikiti Kandi bwanyima bakaba bangire kushashura.