Wp/nod/ᩈᨳᩣᨶᨡᩬᨦᩈᩈᩣ᩠ᩁ
ᨶᩱᨴᩣ᩠ᨦᨼᩥᩈᩥᨠ᩠ᩈ᩼ ᩈᨳᩣᨶᨡᩬᨦᩈᩈᩣ᩠ᩁᨤᩨᨶᩧ᩠᩵ᨦᨶᩱᩃᩢᨠ᩠ᩇᨱᩁᩪᨷᨠᩣᨿᨽᩣ᩠ᨻᨷᩯ᩠ᨷᨲ᩵ᩣ᩠ᨦᪧ ᨡᩬᨦᩈᩈᩣ᩠ᩁᨴᩦ᩵ᨾᩦᩀᩪ᩵ᨯᩱ᩶᪨᪨ ᩈᨳᩣᨶᨡᩬᨦᩈᩈᩣ᩠ᩁᨴᩦ᩵ᨾᩦᨷᩕᩣᨠᩫ᩠ᨭᩉᩢ᩠ᨶᨯᩱ᩶ᨶᩱᨩᩦᩅᩥ᩠ᨲᨷᩕᨧᩣᩴᩅᩢ᩠ᨶᨶᩢ᩠᩶ᨶᨾᩦᩀᩪ᩵ ᪄ ᩈᨳᩣᨶ ᨤᩨ ᨡᩬᨦᨡᩯ᩠ᨦ ᨡᩬᨦᩉᩖᩯ᩠ᩅ ᩋ᩠ᩅᩣ᩠ᨿ ᩓ ᨽᩖᩣ᩠ᩈᨾᩣ᪨᪨ ᩃ᩶ᩣᩴᨶᩢ᩠᩶ᨶ ᨿᩢ᩠ᨦᨾᩦᩈᨳᩣᨶᨠᩮᩥ᩠᩵ᨦᨠᩖᩣ᩠ᨦᨳᩯ᩠ᨾ ᨩᩮᩬᩥ᩶ᩋᩅ᩵ᩤ ᨹ᩠ᩃᩧ᩻ᨠᩉᩖᩯ᩠ᩅ᪨ ᩓᩈᨳᩣᨶᨴᩦ᩵ᩀᩪ᩵ᨯᩱ᩶ᨨᨻᩕᩰᩬᩡᨶᩱᩈᨽᩣᩅᩈᩩᨯᨡ᩠ᩅᩫ᩶ ᨩᩮᩬᩥ᩶ᩋᩅ᩵ᩤ ᩈᩈᩣ᩠ᩁᨤ᩠ᩅᨷᩉ᩠ᨶᩯ᩶ᩁᨷᩰ᩠ᩈ—ᩋᩱᨶ᩼ᩈᨴᩱᨶ᩼ (Bose—Einstein condensates) ᩈᩈᩣ᩠ᩁᨶᩥ᩠ᩅᨴᩕᩬᨶᨽᩣᩅᩈᩮᩬᩥ᩵ᨾ (neutron-degenerate matter) ᩓᨽᩖᩣ᩠ᩈᨾᩣᨤ᩠ᩅᩣᩁ᩠᩼ᨠ—ᨠᩖᩪᩋᩬᨶ (quark—gluon plasma) ᨴᩦ᩵ᨸᩡᨯᩱ᩶ᨶᩱᩈᨽᩣᩅᩀᩮ᩠ᨶᩈᩩᨯᨡ᩠ᩅᩫ᩶ ᩉ᩠ᨶᩣᩉ᩠ᨶᩯ᩶ᩁᩈᩩᨯᨡ᩠ᩅᩫ᩶ ᩓᨻᩃᩢ᩠ᨦᨦᩣ᩠ᨶᩈᩩᨯᨡ᩠ᩅᩫ᩶ ᨲᩣ᩠ᨾᩉᩖ᩵ᩣᩴᨯᩢ᩠ᨷ᪪᪪
ᩈᨳᩣᨶᩉᩖᩢᨠᨴᩢ᩠ᨦ ᪄ ᨡᩬᨦᩈᩈᩣ᩠ᩁᨶᩢ᩠᩶ᨶᩋᩣ᩠ᨧᨧ᩵ᩣᩴᨶᩯ᩠ᨠᨯᩱ᩶ᨧᩣ᩠ᨠᨣᩩᨱᩈᩫᨾ᩠ᨷᩢᨲ᩠ᨲᩥ᩼ᨻᩨ᩠᩶ᨶᨮᩣ᩠ᨶᨴᩦ᩵ᨹᩯ᩠ᨠᨠᩢ᩠ᨶ᪨᪨ ᩈᩈᩣ᩠ᩁᩈᨳᩣᨶᨡᩬᨦᨡᩯ᩠ᨦᨧᩢᨾᩦᨷᩁᩥᨾᩣᨲᩕᩓᩁᩪᨷ᩼ᩁ᩵ᩣ᩠ᨦᨴᩦ᩵ᩉ᩠ᨾᩢ᩶ᩁᨴ᩠ᨿ᩵ᨦ ᨪᩮᩥ᩠᩵ᨦᩋᨱᩩᨽᩣ᩠ᨣᨴᩦ᩵ᨸᩮ᩠ᨶᩈ᩠ᩅ᩵ᩁᨷᩕᨠᩬᨷ (ᩋᨴᩬᨾ ᨾᩰᩃᩮᨣᩩᩃ᩼ ᩁᩂᩋᩱᩋᩬᨶ) ᨧᩢᩀᩪ᩵ᨲᩥ᩠ᨯᨠᩢ᩠ᨶᩓᨹᩪᨠᩀᩪ᩵ᨠᩢ᩠ᨷᨴᩦ᩵᪨᪨ ᩈᩈᩣ᩠ᩁᩈᨳᩣᨶᨡᩬᨦᩉᩖᩯ᩠ᩅᨧᩢᨿᩢ᩠ᨦᨾᩦᨷᩁᩥᨾᩣᨲᩕᩉ᩠ᨾᩢ᩶ᩁᨴ᩠᩵ᨿᨦ ᨲᩯ᩵ᩁᩪᨷ᩼ᩁ᩵ᩣ᩠ᨦᨸᩖ᩠᩵ᨿᩁᨻᩱᨯᩱ᩶ᨲᩣ᩠ᨾᨽᩣᨩᨶᨷᩢ᩠ᨶᨧᩩ ᨻᩕᩰᩬᩡᩋᨱᩩᨽᩣ᩠ᨣᨷᩕᨠᩬᨷᨿᩢ᩠ᨦᩀᩪ᩵ᨠᩖᩱ᩶ᨠᩢ᩠ᨶᨲᩯ᩵ᨣᩴᩉᩖᩱᨻᩱᨾᩣᨯᩱ᩶ᩀ᩵ᩣ᩠ᨦᩍᩔᩁ᪨᪨ ᩈᩈᩣ᩠ᩁᩈᨳᩣᨶᩋ᩠ᩅᩣ᩠ᨿᨧᩢᨾᩦᨴᩧ᩠ᨦᨷᩁᩥᨾᩣᨲᩕᩓᩁᩪᨷ᩼ᩁ᩵ᩣ᩠ᨦᨴᩦ᩵ᨸᩖ᩠ᨿᩁᨻᩱᨯᩱ᩶ ᨻᩕᩰᩬᩡᩋᨱᩩᨽᩣ᩠ᨣᨷᩕᨠᩬᨷᨷᩴ᩵ᨯᩱ᩶ᩀᩪ᩵ᨠᩖᩱ᩶ᨠᩢ᩠ᨶᩁᩂᨹᩪᨠᩀᩪ᩵ᨠᩢ᩠ᨷᨴᩦ᩵ᩓ᩠ᩅ᪨᪨ ᩈᩈᩣ᩠ᩁᩈᨳᩣᨶᨽᩖᩣ᩠ᩈᨾᩣᨧᩢᨾᩦᨷᩁᩥᨾᩣᨲᩕᩓᩁᩪᨷ᩼ᩁ᩵ᩣ᩠ᨦᨴᩦ᩵ᨸᩖ᩠ᨿᩁᨻᩱᨯᩱ᩶᪨ ᩃ᩶ᩣᩴᨶᩢ᩠᩶ᨶᨣᩴᨿᩢ᩠ᨦᨾᩦᩋᨴᩬᨾᨴᩦ᩵ᨷᩕᨧᩩᨸᩮ᩠ᨶᨠᩖᩣ᩠ᨦ ᩋᩱᩋᩬᨶ ᩓᩋᩥᩃᩮᩢ᩠ᨠᨴᩕᩬᨶ ᨸᩮ᩠ᨶᩈ᩠ᩅ᩵ᩁᨷᩕᨠᩬᨷᨴᩦ᩵ᩉᩖᩱᨻᩱᨾᩣᨯᩱ᩶ᩀ᩵ᩣ᩠ᨦᩍᩔᩁ᪪᪪
ᨠᩣ᩠ᩁᨸᩖ᩠᩵ᨿᩁᩈᨳᩣᨶ[edit | edit source]
ᨠᩣ᩠ᩁᨸᩖ᩠᩵ᨿᩁᩈᨳᩣᨶᨡᩬᨦᩈᩣ᩠ᩁᨴᩘ᩠ᩃᩣ᩠ᨿᨾᩦᨯᩢ᩠᩵ᨦᨶᩦ᩶
- ᨠᩣ᩠ᩁᩉᩮᩥ᩠ᨿ (vaporization)—ᨠᩣ᩠ᩁᨤ᩠ᩅᨷᩉ᩠ᨶᩯ᩶ᩁᨣᩤᨠᩣ᩠ᩁᨸᩮ᩠ᨶᩉ᩠ᨾᩮᩥ᩠ᨿ (condensation) ᨡᩬᨦᩉᩖᩯ᩠ᩅᨸᩮ᩠ᨶᩋ᩠ᩅᩣ᩠ᨿ
- ᨠᩣ᩠ᩁᩉᩮᩬᩥᨯ (sublimation)—ᨠᩣ᩠ᨦᨤ᩠ᩅᨷᨡᩯ᩠ᨦᨣᩤᨠᩣ᩠ᩁᨡᩣ᩠ᨷ (deposition) ᨡᩬᨦᨡᩯ᩠ᨦᨸᩮ᩠ᨶᩋ᩠ᩅᩣ᩠ᨿ
- ᨠᩣ᩠ᩁᨶᩱ᩵ (melting)—ᨠᩣ᩠ᩁᨠᨯ᩶ᩣ᩠ᨦ (freezing) ᨡᩬᨦᨡᩯ᩠ᨦᨸᩮ᩠ᨶᨡᩬᨦᩉᩖᩯ᩠ᩅ
- ᨠᩣ᩠ᩁᨲᩯ᩠ᨠᨸᩮ᩠ᨶᩋᩱᩋᩬᨶ (ionization)—ᨠᩣ᩠ᩁᨤ᩠ᩅᨷᩁ᩠ᩅᨾᩋᩱᩋᩬᨶ (recombination) ᩋ᩠ᩅᩣ᩠ᨿᨸᩮ᩠ᨶᨽᩖᩣ᩠ᩈᨾᩣ