Wp/mui/Filsafat
Filsafat iola sikok kajian masalah paleng dasar dan umum ngenoi eksistensi, pengetahuan, nilai, akal, pikiran, samo baso. Filsafat asalnyo dari baso Yunani kuno philosophia (φιλοσοφία), dari akar kato philein (φιλεῖν) yang retinyo "cinta", samo sophia (σοφία) yang retinyo "kebijaksanaan" atau "pengetahuan", yang diterjemahke secaro harfiah jadi cinta akan kebijaksanaan.[1]
Pacak dikato pulo filsafat ni maksudnyo sikok pendekatan bepikir kritis, yang bikin pertanyoan-pertanyoan seputar dunio, pengetahuan samo keberadaan manusio. Di jeru baso sari-ari istilah filsafat ngnjuk informasi untuk segalo jenis kebijaksanaan, keyakénan apo dak prinsip-prinsip wong. Wong yang ado kepacakan di bidang filsafat namonyo filsuf atawa sofis. ilmu filsafat suda ado sejak jaman bingen, idak cuman sebatas gawean yang rasional, tapi jugo sebagé caro idup. Malah dengen ngerti sejarah filsafat memungkinke kito jadi biso ngerti tentang évolusi.
Studi tentang filsafat biasonyo ngebahas pertanyoan-pertanyoan umum paléng mendasar yang seréngnyo dianggep sebagé masalah, misalnyo tentang keberadoan, pikiran, alasan, baso, pengetahuan, samo nilai. Bidang inti ilmu ini biasonyo iolah logika (sebagé lmu pemikiran yang konsistén), étika (sebagé ilmu tentang gawéan yang bener) dan métafisika (sebagé ilmu tentang alasan utamo keberadoan samo réalitas). Disiplin dasar lebéh lanjót iolah épistemologi dan filsafat sains, ngurusi hal-hal yang hubungannyo dengen kemóngkénan bolé dapet pengetahuan secaro umum dan kusus.
Dari sudut pandang wong Éropa, kato filsafat selalu dikaitke dengen asal-usul Yunani kuno. Padahal di Asia jugo ado tradisi pemikiran yang samo cak itu jugo yang dinamoke filsafat timur dan suda berumur ribuan taun, tapi seréngnyo diabaike. Pandangan dunio religius (besifat keagamaan) bolé jugo termasók ke dalam bahasan filsafat, sejao argumen-argumen yang dikeluarke masih di jeru batesan-batesan secaro filosofis daripada teologis.
Sejarah istilah
[edit | edit source]Penyebótan kato berfilsafat pertamo kali dipake olé sejarawan Yunani, Hérodotus (484–425 SM). Sepanjang perjalanan sejarahnyo, pandangan filsafat sebagé ilmu suda seréng nian berubah definisinyo olé wong-wong filsuf keno banyak alternatif retinyo; diantaranyo sebage pencarian yang baik, benar dan indah yang punyo tujuan untuk ngasilke pengetahuan sejati (Plato); di pucuk kebijaksanaan, kebenaran dan pengetahuan (Hobbes, Locke, Berkeley); neliti sikok hal sesuai dengen prinsip paléng tinggi (Aristoteles); ilmu yang memperjuangke pengetahuan tentang segalo hal, termasók yang sifatnyo idak kejingokan (Paracelsus); ilmu tentang segalo kemóngkénan (Wolff); ilmu yang absolut (Fichte, Schelling, Hegel); ngaturi samo ngaitke segalo ilmu (Kant, Mach, Wundt); ngewakili ilmu dari segalo ilmu (Fechner); Fokusnyo lebéh ke analisis, pemrosésan, samo nemuke definisi istilah yang tepat (Socrates, Kant, Herbart); Filsafat sekaligus seni belajar mati (Plato); teori nilai normatif (Windelband), mengejar kebahagioan rasional (Epicurus, Shaftesbury), atawa mengejar kebajikan dan efisiensi (Aristoteles).
Di universitas - universitas yang muncul pas Abad Pertengahan, filsafat jadi mato pelajaran umum (propaedeutic). Inti dari pelajaranyo termasók tata bahasa, dialektika, retorika, geometri, aritmatika, astronomi samo musik.