Wp/mui/Asié

Asia itu sikok namo benua yang ado disebót sebagé benua paléng besak dengen luas kiro-kiro 44.579.000 km², bolé dikato Benua Asia ni menuhi 30% dari galo-galo luas daratan di bumi atawa 8,7% dari luas permukaan bumi. Ado 4,3 miliar wong di jeru benua ini yang nieminyo, olé keno itu la Benua Asia ini disebót jugo benua paléng padat yang nampung 60% populasi wong di bumi.

Benua Asia beparak'an samo Benua Éropa yang besambung léwat darat. Keduo benua ini galak disebót sebagé Éurasia. Batas keduo benua ini masih jadi pertentangan sampé mak ini ari. Kadang wong maké posisi bentang alam untuk nyiriin mano bae batasan antara keduonyo, diantaranyo Selat Dardanella, Laut Marmara, Selat Bosporus, Laut Item, Pegunungan Kaukasus, Laut Kaspia, Sungi Ural (atawa Sungi Emba), samo Pegunungan Ural. Tapi secaro umum Asia bebatesan dengen Samudra Pasifik di sebelah timur, Samudra Hindia di sebelah selatan, samo di sebelah utara dengen Samudra Arktik.

Benua ini jadi lokasi puncak tetinggi di dunio, Everest, dengen ketinggian nyampé 8.849 meter, ado jugo menara tetinggi di dunio, Burj Khalifa dengen ketinggian 828 meter di Dubai.

Sub kawasan

Benua asia kebagi jadi limo wilayah, termasók Asia Utara, Asia Barat (seréng disebót dengen Timur Tengah), Asia Tengah, Asia Timur, Asia Tenggara, samo Asia Selatan, dan ado 50 negara dijerunyo yang diakui secaro internasional kedaulatannyo.

Asia Utara

Hanya Rusia milik Asia Utara.

Asia Tengah

Negara-negara di Asia Tengah diantarano iolah; Kazakhstan, Uzbékistan, Tajikistan, Turkménistan, samo Kyrgyzstan. ^[1]

Asia Timur

Kaawasan Asia Timur terdiri ole negara-negara berikut ini; Jepang, Koréa Utara samo Selatan di Semenanjung Koréa, Chino (tapi cuman di wilayah timurnyo bae), kadang-kadang termasók jugo Mongolia.^[1]

Asia Barat

Kadang dinamoke jugo Timur Tengah untuk nyebót negara-negara di Afrika Utara. Asia Barat termasók diantaranyo; negara Pulau Siprus di Laut Tengah, Suriah, Yordania, Libanon, Irak, Jazirah Arab (Arab Saudi, Uni Émirat Arab, Bahrain, Qatar, Oman, Yaman dan kadang juga Kuwait), Mesir di Semenanjung Sinai, Israél, Paléstina, Turki, Azerbaijan, samo Armenia.^[1]

Asia Selatan

Asia Selatan jugo disebót anak benua India, diantarnyo iolah; India, Pakistan, Népal, Bhutan, Bangladésh, Sri Lanka, Iran samo Maladewa. Mpuk la sebagian besak Afghanistan idak berado di anak benua India, tapi kadang jugo seréng diitung sebagé bagian Asia Selatan.^[1]

Asia Tenggara

Wilayah ini termasók Semenanjung Malaka, Indochina samo kepulauan-kepulauan di Samudra Hindia dan Pasifik. Negara-negara yang ado di Asia Tenggara iolah: Myanmar, Thailand, Laos, Kambója, Vietnam, Malaysia, Filipina, Singapura, Indonésia, Brunei Darussalam, samo Timor-Lésté.^[1] Pulau Papua di bagian barat yang jadi punyo Indonésia jugo dimasukke ke wilayah Asia Tenggara.

Negara

Réferénsi

↑ ^1.0 ^1.1 ^1.2 ^1.3 ^1.4 UNSD-Methodology. [1]. diakses pada 9 Agustus 2021.

[UNSD-Methodology-1] 1.0 ^1.1 ^1.2 ^1.3 ^1.4 UNSD-Methodology. [1]. diakses pada 9 Agustus 2021.

[1]