Wp/max/Tarnate

Ternate (orang luar bilang, orang lokál bilang Tarnate), adalá kota kacíl di Moloku Kie Raha (Maluku Utara). Kota ini memang kacíl, tapi dia pe manusia banya, karna itu Tarnate tù kota paling padat di Maluku Utara. Tarnate sandiri adalá pulau kacíl, dia pe pante samua baku batas deng laut. Sabalá atas baku tapisa deng Hiri, sabalá kanan baku tapisa deng Halmahera (dekat Sidangoli deng Sofifi), sabalá bawa baku tapisa deng Tidore (tara batúl-batúl di bawa, masi basamping sadiki ka kanan) sertá Maitara (pulau kacíl yang ada di sabalá kiri Tidore), sertá sabalá kiri tapisa jao deng Laut Maluku (yang di tenga-tenga ada Batang Dua, Mayáu, deng Tifure). Tarnate sandiri tù kota pulau, kota yang labé kacíl (Tidore mè sadiki labé basár daripada Tarnate), tapi dia pe manusia banya. Manusia yang paling banya di bagian muka (orang lokál bilang sabalá muka untuk Tarnate sabalá kanan) adalá orang luar, orang asli/lokál banya yang tadampar di balakang gunung. Tarnate sabalá bawa (Ternate Selatan) banya orang Tidore deng Makeang (Makian). Tapi Tarnate sabalá atas banya orang Tarnate. Kalo mu taǔ labé jelás, bisa maso di page Pulau Ternate. Tarnate tù dia pe asal kata dari tara no ate, yang dia pe arti biasa tù turung ka bawa là kase daya tarik pe dia. Dia pe arti asli tù turung dari atas (gunung ato kayangan) untuk kase daya tarik pe orang luar yang baru datang là maǔ tinggal di dia pe pantai (negrí).