Wp/max/Pulau Ternate

Pulau Ternate itu pulau kacil yang ada di Laut Maluku. Dia baku dekat deng pulau Hiri di atas, Halmahera di kanan, deng Tidore deng Maitara dia bawa. di tenga-tenga ada Gunung Gamalama, yang sering pica. Gara-gara gunung pe lahar, ada tampa di bagian kanan Ternate nama Batu Angus. Ternate juga punya danau. Yang orang tahu banya tu Danau Ngade deng Danau Tolire. Danau Tolire banya orang percaya ada buaya putih di dalam.

Pulau Ternate dulu-dulu tuh pusat perdagangan cengke deng pala yang dijaga Kesultanan Ternate, baru Ternate rapa jajah deng Belanda kong jadi bagian Indonesia. Di pulau Ternate bisa lia ampas-ampas dari kesultanan deng negara eropa yang laeng. kaya benteng Kalumata, Benteng Oranje, Kadaton Kesultanan deng laeng-laeng. Pulau Ternate juga dapa kena Kerusuhan pas tahun 1999.

Sekarang, Ternate itu pulau terpadat dari semua pulau di Maluku Utara. Ternate punya 1 bandara, yaitu Bandara Sultan Babullah. Ternate juga punya pelabuhan. yaitu Pelabuhan Ahmad Yani deng Bastiong. Pulau Ternate itu dibawah pemerintah Kota Ternate deng rapa bagi jadi 4 kecamatan. Ternate Utara, Ternate Tengah, Ternate Selatan, Ternate Tengah, deng Pulau Ternate.

Model deng orang yang banya tinggal di Maluku Utara, orang disini bicara pake bahasa Ternate Melayu (Atau bahasa Pasar). Laeng yang bisa bicara pake bahasa Ternate (atau bahasa Halus) banya tinggal di bagian atas sampai kiri.