Wp/max/Halmahera

Halmahera tu pulau basar yang ada di Indonesia Timur. Sabala atas batas pulau Morotai deng sekitar, sabala kanan batas deng Laut Halmahera , sabala bawa batas pulau Obi deng sekitar, deng sabala kiri batas Laut Maluku deng pulau-pulau kacil kaya Ternate, Tidore, Makian, Bacan, Kayoa deng sekitar. Banya orang yang tinggal di Halmahera tu tinggal di pante-pante sasaja. Dia pe dalam banya pohon deng tana tinggi. Halmahera juga ada banya gunung. Yang orang tau banya tuh Gunung gamkonora deng Gunung Ibu.

Halmahera dulu-dulu tu dibawah Kerajaan Ampa Gunung. (Ternate, Tidore, Jailolo deng Bacan) deng pernah dijajah deng Belanda. pas Indonesia Serikat terbentuk, Halmahera tu bagian dari Indonesia Timur. Pas Provinsi Maluku Utara mekar, Halmahera juga kena Kerusuhan pas tahun 1999.

Skarang Halmahera rapa bagi deng 5 kacamatan, itu Halmahera Utara, Halmahera Timur, Halmahera Selatan, Halmahera Barat, deng Halmahera Tengah. Ternate kepulauan juga dapa tana sadiki di sebela kiri pulau. Cara masuk Halmahera bisa pake speed atau feri dari Ternate, atau turun di Bandara Buli. Di halmahera banya suku. kaya suku Togutil, Tobelo deng seterusnya.