Wp/mag/सत्य यीशु गिरजाघर

सत्य यीशु गिरजाघर, ग्रेट् ब्रिटेन्

सत्य यीशु गिरजाघर एगो स्वतन्त्र गिरिजाघर हे जे १९१७ मे बेइजिङ, चीनमे स्थापित करल गेलहल । प्रचारक युङ्ग्-जी लिन् सत्य यीशु गिरजाघरके बर्तमान अध्यक्ष हथ । ई गिरिजाघर ईसाई समाजके रोमीय मतबिरोधी (प्रोटेस्टेण्ट्) शाखासे सम्बन्धित हे । भारतमे एकर स्थापना १९३२ मे होएल । ई गिरिजाघरमे बड़दिन आउ शुभ शुक्रवार न मनावल जाये ।

पाँच मुख्य सिद्धान्त

• १. पवित्रात्मा

"अपन जीभसे बोलित पवित्र आत्माके स्वागत करल स्वर्गलोकमे उत्तराधिकार प्राप्त करेके प्रतिभूति हे ।"

• २. बप्तिस्मा

"जलसे शुद्धिकरण अपराधसे क्षमा आउ पुनर्जीवनला हे । शुद्धिकरण प्राकृतिक जलेमे होवे चाहि, जैसे कि नदी, सागर वा झरनामे । जेकर शुद्धिकरण पानी आउ पवित्र आत्मा सङ्ग हो गेलहे, ई सन्स्कार भगवान् यीशुके नामसे करतै । जेकर शुद्धिकरण होवैत हे ओकरा जलमे पूर्णतया समावे पड़तै आउ ऊ सामनेदन्ने नतमस्तक होतै ।"

• ३. चरण धोवाई

"चरण धोवेके सन्स्कार प्रभु ईशुसे सम्बन्धित होवेके योग्यता प्रदान करहे । ई एह बातके स्मरण करावहुँके काज करहे कि हर कोई जुगून प्रेम, पवित्रता, नम्रता, क्षमाशीलता आउ सेवाभावके गुण होवे चाहि । ऊ प्रत्येक व्यक्तिके जेकरा कि बपतिस्मा जलके प्राप्ति होएल हे प्रभु ईशुके नामपर चरण अवश्य धोवे चाहि । दृढ़ सङ्कल्पके साथे परस्पर चरण धोवेके अभ्यास करल जा सकहे ।"

• ४. ईश्वरसे पवित्र सम्बन्ध

"पवित्र समागम भगवान् यीशुके मृत्युके यादमे मनावल जाहे । ई हमनीके अपन ईश्वरके अङ्ग बनेके क्षमता प्रदान करहे, जे से हमनीके जीवन अनन्तकाल तक बनल रहे आउ कयामतके दिन हमनीके आत्मा परलौकिक हो जाये । ई सन्स्कार जेत्ता जादे आवृतिके साथ सम्भव होवे, होवेके चाहि आउ खाली खमीररहित रोटी आउ अङ्गूरके रसे प्रयुक्त होवेके चाहि ।"

• ५. विश्राम दिवस

"विश्राम दिवस, सप्ताहके सतमा दिन (शनिच्चर), पवित्र दिन होवहे जेकरा कि ईश्वरके पवित्रता आउ आशीर्वाद प्राप्त हे । ई दिनके ईश्वर कृति (सन्सार) से मुक्ति पावेला प्रभुके आशीर्वाद आउ जीवनमे शाश्वत विश्राम पावेके आशाके रूपमे देखेके चाहि ।"

अन्य विश्वास

• १. यीशु

"यीशु (ईसा मसीह), ईश्वरीय वचन, जे देहमे प्रकट होएल, पापीके उद्धारला क्रूस प अपन प्राण देलक आउ ओकर तीसरा दिन पुनरुत्थान होएल जेकर बाद ऊ स्वर्ग चल गेल । उहे मनव-मात्रके एकमात्र उद्धारकर्ता हे, स्वर्ग आउ पृथिवीके सृष्टा हे आउ एकमात्र सच परमेश्वर हे ।"

• २. बाइबल् (धर्मग्रन्थ)

"पवित्र बाइबल्, जे पुरातन टेस्टामेण्ट् आउ नवीन टेस्टामेण्ट् से बनल हे, ईश्वरद्वारा प्रोत्साहित हे, एकमात्र सत्य धर्मग्रन्थ हे आउ ईसाई जीवनके मानक हे ।"

• ३. मोक्ष

"मोक्ष ईश्वरके कृपाद्वारा विश्वास करेसे मिलहे । मानेवालाके पवित्र आत्मा प भरोसा करेके चाहि जेकरासे कि ऊ पवित्रता, ईश्वरके आदर आउ मनवतासे प्रेमदन्ने अग्रसर रहे ।"

• ४. गिरजाघर

"सत्य यीशु गिरजाघर (धर्मसङ्घ), "लॅटर् रेन्" खनि पवित्रात्माके सहायतासे प्रभु ईसा मसीहद्वारा स्थापित, खाली इहे पुनर्स्थापित सच प्रेरित गिरिजाघर हे ।"

• ५. अन्तिम निर्णय

"प्रभुके पुनरागमन कयामतके दिन होतै जखनि ऊ स्वर्गसे उतरके हिँया ऐतन जगत् प निर्णय सुनावे : पुण्यात्माके अमर स्वर्गिक जीवन मिलतै आउ पापी सदा लागि अभिशप्त होथन ।"