Wp/mag/श्रीनगर

श्रीनगर 𑆯𑇀𑆫𑆵𑆤𑆓𑆫code: ks is deprecated • श्रीनगरcode: ks is deprecated • سِریٖنَگَرcode: ks is deprecated
नगर
डल झील शङ्कराचार्य मन्दिर इन्दिरा गान्धी स्मारक ट्यूलिप बाग़ परी महल हजरतबल
श्रीनगर श्रीनगर (जम्मू आउ कश्मीर) श्रीनगर श्रीनगर (जम्मू आउ कश्मीर)
निर्देशाङ्क: 34°5′24″N 74°47′24″E
देश	भारत
केन्द्रशासितप्रदेश	जम्मू आउ कश्मीर
मण्डल	श्रीनगर
नामस्रोत	लक्ष्मी या सूर्य
सरकार
• प्रकार	नगरनिगम
• अङ्ग	श्रीनगर नगरनिगम
• नगर आयुक्त	उवैस अहमद राणा
क्षेत्रफल
• नगर	294 किमी2 (114 वर्ग मील)
• महानगर	766 किमी2 (296 वर्ग मील)
उन्नतांश	1,585 मी (5,200 फीट)
जनसङ्ख्या  (2011)
• नगर	११,८०,५७०
• क्रम	३७मा
• घनत्व	4,020/किमी2 (10,400/मील2 )
• महानगर	१२,७३,३१२
• महानगरीय पद	३८मा
वासिन्दा	श्रीनगरी
भाषा
• आधिकारिक	कश्मीरी, उर्दू, हिन्दी, डोगरी, अङ्ग्रेजी
समयमण्डल	युटिसि+०५:३० (भामास)
पिनकोड	190001
दूरभाष कोड	0194
वाहन पञ्जीकरण	JK 01
लिङ्गानुपात	८८८ ♀/ १००० ♂
साक्षरता	६९.१५%
दिल्लीसे दूरी	876 किलोमीटर (544 मील) पश्चिमोत्तर
मुम्बईसे दूरी	2,275 किलोमीटर (1,414 मील) पूर्वोत्तर (भूमि)
जलवायु	Cfa
वर्षण	710 मिलीमीटर (28 इञ्च)
औसत ग्रीष्म तापमान	23.3 °से (73.9 °फा)
औसत शीत तापमान	3.2 °से (37.8 °फा)
जालस्थल	srinagar.nic.in

श्रीनगर (कश्मीरी: 𑆯𑇀𑆫𑆵𑆤𑆓𑆫code: ks is deprecated / سِریٖنَگَرcode: ks is deprecated , श्रीनगर) भारतके जम्मू आउ कश्मीर प्रदेशके सबसे बड़का नगर आउ ग्रीष्मकालीन राजधानी हे । ई कश्मीर घाटीमे झेलम नदीके किनारे बसल हे, जे सिन्धुनदीके एगो प्रमुख उपनदी हे । प्रसिद्ध डल झील आउ आञ्चारो झील नगर-भूगोलके महत्वपूर्ण भाग हे । कश्मीर घाटीके मध्यमे बसल ई नगर भारतके प्रमुख पर्यटन स्थलमे से एक हे । दसलाखसे बेसी जनसङ्ख्या रखेबाला ई भारत के उत्तरतम नगर हे । श्रीनगर अपने उद्यान आउ प्राकृतिक वातावरणला जानल जाहे आउ हियाँके कश्मीर शाल आउ मेवा देशभरमे प्रसिद्ध हे ।

विवरण

श्रीनगर विभिन्न मन्दिर आउ मस्जिदला विशेष रूपसे प्रसिद्ध हे । १७०० मीटर ऊँचाई पर बसल श्रीनगर विशेष रूपसे झील आउ हाउसबोटला जानल जा हे । एकर इलावा श्रीनगर परम्परागत कश्मीरी हस्तशिल्प आउ सूखल मेवोला विश्व प्रसिद्ध हे । श्रीनगरके इतिहास बड़ी पुरान हे । मानल जा हे कि ई जगहके स्थापना सम्राट अशोक मौर्य कैलन हल । ई मण्डलके चारो दन्ने पाँच अन्य मण्डल स्थित हे । श्रीनगर मण्डल कारगिलके उत्तर, पुलवामाके दक्षिण, बडगामके उत्तर-पश्चिमके बगलमे स्थित हे । श्रीनगर प्रदेशके ग्रीष्मकालीन राजधानी हे । ई नगर आउ ओकर आसपासके क्षेत्र एक जमानामे दुनियाके सबसे सुन्दर पर्यटन स्थल मानल जा हलै - जैसे डल झील, शालिमार आउ निशात बाग, गुलमर्ग, पहलगाम, चश्माशाही, आदि । एहाँ हिन्दी सिनेमाके ढेर फिलिमके शूटिङ्ग होवकरहलै । श्रीनगरके हजरतबल मस्जिदमे मानल जा हे कि ओहाँ हजरत मुहम्मदके दाढ़ीके एक केश रखल हे । श्रीनगरेमे शङ्कराचार्य पर्वत हे जन्ने विख्यात हिन्दु धर्मसुधारक आउ अद्वैत वेदान्तके प्रतिपादक आदि शङ्कराचार्य सर्वज्ञानपीठके आसन पर विराजमान भेल हलन । डल झील आउ झेलम नदी (संस्कृत: वितस्ता, कश्मीरी: व्यथ) मे आवे जावे, घूमे आउ बजार आउ खरीददारीके जरिया विशेष तौरपर शिकारा नामके नाव हे । कमलके फूलसे सजल रहेवाला डल झील पर ढेर सुन्दर नाव पर तैरैत घरो हे जेकरा हाउसबोट कहल जा हे । इतिहासकार मानहथिन कि श्रीनगर मौर्य सम्राट अशोक द्वारा बसावल गेलै हल ।^{[उद्धरण चाही]}

डल झीलमे एक शिकारा

श्रीनगरसे कुछ दूर एक बहुत पुराना मार्तण्ड (सूर्य) मन्दिर हे । कुछ आउ दूर अनन्तनाग मण्डलमे शिवके समर्पित अमरनाथके गुफा हे जन्ने हजारो तीर्थयात्री जाहथिन । श्रीनगरसे तीस किलोमीटर दूर मुस्लिम सूफी सन्त शेख नूरुद्दिन वलीके दरगाह चरार-ए-शरीफ हे, जेकरा कुछ वर्ष पहिले इस्लामी आतङ्कवादिये जरा देलकै हल, पर बादमे एकर वापिस मरम्मत भेलै ।

सम्बन्धित लेख

• जनसङ्ख्याके अनुसार भारतके नगरके सूची
• भारतके महानगर
• श्रीनगर मण्डल