Wp/mag/विकिपीडिया:स्वशिक्षा/सम्पादन
| परिचय | सम्पादन | रङ्गरूप | विकिपीडिया जोड़ | सन्दर्भ और स्रोत | वार्ता पन्ना | ध्यान रखी | पञ्जीकरण | जाइत-जाइत |
कुछ सुरक्षित पन्नाके अतिरिक्त प्रत्येक पन्नामे एक "सम्पादन" टैब होवहे जेकरासे अपने ऊ पन्नामे बदलाव कर सकही। ई सम्पादन करेके सक्षमता विकिपीडियाके सबसे बुनियादी लक्षण हे, आउ अपनेके पन्नामे सन्शोधन करे आउ ओकरामे तथ्य डालेके अनुमति दे हे । यदि अपने तथ्य डाली त कृपया सन्दर्भ देल नै भूलाई, काहेकि असन्दर्भित तथ्य हटावल जा सकहे ।
सम्पादन करेके अभ्यासला अभ्यास पन्ना पर जाके "सम्पादन" टैब पर क्लिक करी । जखनि अपने "सम्पादन" टैब पर क्लिक करबै, एगो सम्पादन खिड़की खुल जैतै जौनमे ऊ पन्नाके मूलपाठ होतै । ओकरामे कुछ मजेदार वा रोचक लिखी, अथवा शब्दके हटाके अपन पाठ लिखी । फिन "पन्ना सहेजी" पर क्लिक करी आउ देखी कि की होवहे !
सम्पादनके सारान्श
अपनेके ई पहिला सम्पादनके अभ्याससे दू चीज बाहिरे छोड़ देल गेलै ज वास्तवमे लेख-सम्पादनमे कैल जायेके चाही । चली फिनसे "सम्पादन" के टैब दबावी, कुछ आउ लिखी आउ फिन ई दू आवश्यक चीजोके भी करी ।
प्रथम, जखनियो अपने कौनो लेखके सम्पादित करही त विकि-शिष्टताके नियमके अनुसार ई निम्मन बात मानल जाहे कि अपने अपन बदलावके बारेमे कुछ "सारान्श" के डिब्बामे लिख दी । एकरामे अपने ई लिख सकही कि अपने कौन कारणसे ई बदलाव कैली अथवा अपनेके बदलाव कौन प्रकारके हे, जैसे "देसके नाम ठीक कैली" अथवा "फलके बारेमे महत्वपूर्ण जानकारी डालली" । यदि अपनेके बदलाव छोटेगो हे त "ई एगो छोट बदलाव हे" नामक डिब्बामे अपने चिन्हा लगा सकही (ई डिब्बा खाली पञ्जीकृत सदस्यके उपलब्ध हे - अपने स्वयंके आसानीसे पञ्जीकृत कर सकही आउ ई स्वशिक्षा लेख अपनेके आगे चलके पञ्जीकरणोके बारेमे सिखैतै) ।
पूर्वावलोकन (झलक)
दोसरा, अपनेके सदैव "पूर्वावलोकन" (झलक/Preview) वाला बटनके प्रयोग करेके चाही । अभ्यास पन्नामे बदलाव करेके बाद "लेख सहेजी" वाला बटनके बजाए "पूर्वावलोकन" वाला बटन दबावी । अखनि अपनेके ऊहे लौकत जे अपनेके लेख सहेजेके बाद लौकत हल, किन्तु अपनेके बदलाव अखनि सहेजल नै गेलहे । हमनीसभ समय-समय पर गलती करहियै, आउ पूर्वावलोकनके प्रयोगसे हमनी लेख सहेजनेसे पहिले अपन गलती पकड़के ओकरा सुधार सकहियै । जी, पूर्वावलोकन करेके बाद अपन लेखके सहेजेला न भूलाई !
लेख सहेजी
पूर्वावलोकनके प्रयोग करके गलती सुधार लेली? सम्पादनके सारान्श लिख लेली? त फिन अपने लेख सहेजेला तैयार ही । "लेख सहेजी" वाला बटन दबावी !
ई सम्बन्धमे आउ जानेला दृष्टिबाधित साथी दृष्टिबाधितार्थ पन्नो देख सकहथ ।