Wp/mag/विकिपीडिया:स्वशिक्षा/रङ्गरूप
| परिचय | सम्पादन | रङ्गरूप | विकिपीडिया जोड़ | सन्दर्भ और स्रोत | वार्ता पन्ना | ध्यान रखी | पञ्जीकरण | जाइत-जाइत |
कौनो विकिपीडियाके लेखके लिखाईके रङ्गरूप (स्वरूप) के निर्धारित करेके बिधि अधिकतर मिलेवाला शब्द सन्साधक (वर्ड् प्रोसेसर्) से भिन्न हे । विकिपीडिया पर देखी से पावी (माने विजीविग् वा WYSIWYG) प्रणालीके प्रयोग नै होवै । एकरामे कौनो पन्ना पर अच्छर गाढ़ा-तिरछा करेला आउ शीर्षकके दर्शावेला बिशेष चिन्ह आउ शब्दके प्रयोग होवहे । ईसभ चिन्ह आउ शब्दके भाषाके "विकि मार्कप्" अथवा "विकीटेक्स्ट्" (Wiki-text) भाषा कहहथ । सुनेमे ई भलेहीँ कठिन लगे किन्तु बास्तवमे ई भाषाके प्रयोग बड्डी सरल हे ।
गाढ़ा आउ तिरछा लिखाई
सबसे अधिक प्रयोग होवेवाला चिन्ह गाढ़ा अच्छर (माने बोल्ड्) आउ तिरछा अच्छर (माने इटालिक्स्) के चिन्ह होवहे । कौनो शब्द, वाक्यान्श अथवा वाक्यके गाढ़ा या तिरछा ओकर एन्ने-ओन्ने वर्ण-लोप (माने अपोस्ट्राफी) के चिह्न (') के प्रयोगसे होवहे:
| यदि अपने लिखली | त अपनेके मिलतै |
| ''तिरछा'' | तिरछा |
|
'''गाढ़ा''' |
गाढ़ा |
|
'''''गाढ़ा आउ तिरछा''''' |
गाढ़ा आउ तिरछा |
विकिपीडियाके दस्तूर हे कि कौनो लेखके नाम जखनि प्रथम बेर लेखमे आवहे त ओकरा गाढ़ा अच्छर मे लिखल जाहे । उदाहरणला पटना के लेख ई प्रकार आरम्भ होवहे:
- पटना, इतिहासिकरूपसे पाटलिपुत्र जानल जाएवाला, भारतमे बिहार राज्जके राजधानी आउ सबसे बड़का नगर हे ...
तिरछा अच्छर के प्रयोग अक्सर पुस्तक, चलचित्र, कम्प्यूटर खेल आदिके शीर्षकला होवहे । यदि लेखके बिषये कौनो चलचित्र अथवा पुस्तकके शीर्षक हे त गाढ़ा आउ तिरछा अच्छर के प्रयोग कैल जा सकहे ।
बिन कौनो कारणके गाढ़ा वा तिरछा अच्छरके प्रयोग करेसे परहेज करी काहिकि एकरासेसे साधारण पाठकके लेख पढ़ेमे कठिनाई होवहे, आउ ऊ अक्सर ऐसन लेखके जल्दी देखके दोसर कौनो पन्ना दन्ने चल जाहथ ।
शीर्षक आउ उपशीर्षक
कौनो लेखके व्यवस्थाके ठीक बनावेला शीर्षकों आउ उपशीर्षकसे बड़ लाभ होवहे । यदि अपने देखही कि कौनो लेखमे दू अथवा ओकरासे बेसी बिषय पर बात होवैत हे आउ प्रत्येक बिषय पर एक-दूसे बेसी अनुच्छेद हे, त प्रत्येक बिषयला शीर्षक डालेसे (माने प्रत्येक बिषयके अलग उपभाग बनावेसे) लेख आउ पढ़े लायक हो जाहे । शीर्षक आउ उपशीर्षक ऐसे बनावल जाहे:
| यदि अपने लिखली | त अपनेके मिलतै |
|
==शीर्षक== |
शीर्षक |
|
===उपशीर्षक=== |
उपशीर्षक |
ध्यान रखी कि बिन कौनो सामग्रीके शीर्षक आउ उपशीर्षक बनावेसे लेख पढ़ल कठिन हो जाहे । ऐसन लेख ऐसने लगहे जैसे कौनो समाचारपत्रमे सुर्खिये सुर्खी हो आउ ओकर नीचे कौनो समाचारे न लिखल हो ।
यदि कौनो लेखमे चार अथवा ओकरासे बेसी शीर्षक हे, त ओकरामे अपनहीँ एगो अनुक्रम सूची बन जाहे । आवी, ई पन्नाके अभ्यास पन्नामे कुछ शीर्षक आउ उपशीर्षक बनाके देखी !
एच् टी एम् एल्
विकिपीडियाके लेखके रङ्गरूप निर्धारित करेला एच्॰टी॰एम्॰एल्॰ (HTML) जानेके बिलकुल कौनो आवश्यकता न हे । खाली विकि मार्कप् के प्रयोगे ढेर हे । तैयो यदि अपने पन्ना अथवा अनुच्छेदके अकार, अच्छरके रङ्ग, आदिमे बारीक फेर-बदल कैल चाहही त एकरामे एच्॰टी॰एम्॰एल्॰ के जानकारी सहायक होतै ।
दृष्टिबाधित साथी ई सम्बन्धमे आउ जानेला दृष्टिबाधितार्थ पन्नो देख सकहथ ।