Wp/mag/मञ्झनपुर

मञ्झनपुर 𑂧𑂁𑂕𑂢𑂣𑂳𑂩code: awa is deprecated
नगर
मञ्झनपुर उत्तरप्रदेशे स्थिति
निर्देशाङ्क: 25.53°N 81.38°E / 25.53; 81.38
देश	भारत
राज्य	उत्तरप्रदेश
मण्डल	कौशाम्बी मण्डल
जनसङ्ख्या  (2011)
• कुल	१६,४५७
भाषा
• प्रचलित	अवधी
समयमण्डल	युटिसि+५:३० (भारतीय मानक समय)

मञ्झनपुर (अवधी: 𑂧𑂁𑂕𑂢𑂣𑂳𑂩code: awa is deprecated ) भारतके उत्तरप्रदेश राज्यके कौशाम्बी मण्डलमे स्थित एगो नगर हे । ई मण्डलके मुख्यालयो हे । एहाँके मुख्य फसल धान आउ गेहूँ हे । ई नगरके नाम पहिले अमानजहानपुर हल । बादमे ई अपभ्रंश होके मञ्झनपुर हो गेलै । मञ्झनपुरमे चौधरी एहसान हैदरके पूर्वज द्वारा बनावल गेल ऐतिहासिक इमामबाड़ा हे । ई इमामबाड़ा इरानी स्थापत्य कलाके नायाब नमूना हे । ई इमामबाड़ाके विशेषता ई हे कि बाहरे खड़ा होके देखहुँ पर मिम्बर पर बैठल मौलाना लौकहथिन । मञ्झनपुरमे शिया मुसलमानके प्रभावशाली इतिहास रहलै हे । एहाँके अजादारी प्रसिद्ध हे । सात मुहर्रमसे लेके १० मुहर्रम तक चौधरी एहसान हैदरके इमामबाड़ासे जुलूस निकलहे । एकरामे सबसे बड़ जुलुस आठ मुहर्रमके निकलहे । ई जुलूसमे सम्मिलित बड़ अलम आउ जुल्जनाहके देखेला लोग दूर-दूरसे आवहथिन । ई जुलूस कर्बला तक जा हे । मञ्झनपुरके कर्बलो ऐतिहासिक हे । एकर निर्माणो चौधरी एहसान हैदरके पूर्वज करौलन हल । बादमे मञ्झनपुरमे आएल एक तहसीलदार एकर पुनर्निर्माण करौलन । हालेमे मञ्झनपुर टाउन एरियाके चेयरमैन रहल हाशमी बेगम एकर नया सिरासे निर्माण करौलन । अखनि ई कर्बला भव्य बन गेलै हे, जेकरा देखेला दूर-दूरसे लोग आवे लगलन हे । कर्बलाके ई भव्य इमारत इरानमे एक मस्जिदके स्थापत्यकलाके नमूनाके तौरपर बनावल गेलै हे ।

एकरो देखी

• जनसङ्ख्या अनुसार भारतके नगरके सूची
• कौशाम्बी मण्डल