Wp/mag/भौतिकशास्त्र

भौतिकशास्त्र प्राकृतिक विज्ञानके एगो मूल विषय हे जे पदार्थ, ओकर मूलभूत घटक, ओकर गति आउ व्यवहार, देशकालके माध्यमसे आउ ऊर्जा आउ बलके सम्बन्धित संस्थाके अध्ययन करहे । भौतिकशास्त्र सबसे मौलिक वैज्ञानिक विषयमे से एक हे, जेकर मुख्य लक्ष्य ई समझेला हे कि ब्रह्माण्ड कैसे व्यवहार करहे । एगो वैज्ञानिक जे भौतिकशास्त्रके क्षेत्रमे विशेषज्ञता रखहे, भौतिकशास्त्री कहलाहे ।

भौतिकशास्त्र प्राचीनतम शैक्षणिक विषयमे से एक हे आउ खगोलशास्त्रके समावेशके चलते प्रायः प्राचीनतम हे । पिछला दू सहस्राब्दीमे भौतिकशास्त्र, रसायनशास्त्र, जीवविज्ञान आउ गणितके कुछ शाखा प्राकृतिक दर्शनशास्त्रके एगो अंश हल, किन्तु १७मा शताब्दीमे वैज्ञानिक क्रान्ति खन्नि ई प्राकृतिक विज्ञान अपनहीँमे अद्वितीय शोध प्रयासके रूपमे उभरल । भौतिकशास्त्र अनुसन्धानके ढेर अन्तर्विषयक क्षेत्र, जैसे जैव भौतिकशास्त्र आउ प्रमात्रा रसायनशास्त्रके साथे प्रतिच्छेद करहे, आउ भौतिकशास्त्रके सीमाके कठोर रूपसे परिभाषित न कैल गेलहे । भौतिकशास्त्रमे नया विचार प्रायः अन्य विज्ञान द्वारा अध्ययन कैल गेल मौलिक तन्त्रके व्याख्या करहे आउ ईसभ आउ अन्य शैक्षणिक विषय जैसे दर्शनशास्त्रमे अनुसन्धानके नूतन मार्ग सुझावहे ।

भौतिकशास्त्रमे प्रगति अक्सर नूतन तकनीकमे प्रगतिके सक्षम बनावहे । उदाहरणला विद्युच्चुम्बकत्व, ठोसावस्था भौतिकशास्त्र आउ परमाणु भौतिकशास्त्रके समझमे भेल प्रगति सीधा नूतनोत्पादके विकासके मार्ग प्रशस्त कैलक जे आधुनिक समाजके नाटकीय रूपसे बदल देलक हे, जैसेकि दूरदर्शन, सङ्गणक, गृहोपकरण आउ परमाण्वस्त्र; ऊष्मगतिशास्त्रमे प्रगतिके चलते औद्योगीकरणके विकास भेल; आउ यान्त्रिकीमे भेल प्रगति कलनके विकासके प्रेरित कैलक ।

भौतिकशास्त्रके शाखा

इहो देखी

सन्दर्भ