Wp/mag/कोहिमा
| कोहिमा | |
|---|---|
| नगर | |
  कोहिमा नागालैण्डमे स्थिति | |
| निर्देशाङ्क: 25°40′12″N 94°06′29″E / 25.670°N 94.108°Eनिर्देशाङ्क: 25°40′12″N 94°06′29″E / 25.670°N 94.108°E | |
| देश |  भारत |
| राज्य | नागालैण्ड |
| मण्डल | कोहिमा मण्डल |
| जनसङ्ख्या (2011) | |
| • कुल | ९९,०३९ |
| भाषा | |
| • प्रचलित | अङ्गामी, नागामी |
| समयमण्डल | युटिसि+5:30 (भारतीय मानक समय) |
| पिनकोड | 797001 |
| दूरभाष कोड | 91 (0)370 |
| वाहन पञ्जीकरण | NL-01 |
| लिङ्गानुपात | ९२७ ♂/♀ |
| जालस्थल | kohima |
कोहिमा भारतके उत्तरपूर्बी राज्य नागालैण्डके राजधानी हे ।[1] लगभग १ लाखके जनसङ्ख्याके साथे ई राज्यके दुसर सबसे बड़का नगर हे । मूलरूपसे केवीरा के नामसे जानल जायेवाला, कोहिमाके स्थापना १८७८ मे होलैहल जखनि ब्रिटानीय सम्राज्य हियाँ तत्कालीन नागा पहाड़ीके मुख्यालय स्थापित करकै हल । १९६३ मे नागालैण्ड राज्यके उद्घाटनके बादेसे ई नगर अधिकारिक तौरपर राज्यके राजधानी बन गेलै । द्वितीय बिश्वयुद्ध खन्नि कोहिमामे सबसे खूनी लड़ाईमे से एक लड़ल गेलैहल । ई लड़ाईके नित्य 'पूर्बके स्टेलिनग्राद्' एहु कहल जाहे । २०१३ मे, ब्रिटानीय नेश्नल आर्मी म्यूजियम कोहिमाके लड़ाईके 'ब्रिटेनके सबसे बड़का लड़ाई' बतैलकै हल ।[2]
कोहिमा नगरपालिकाके अन्तर्गत २० वर्गकिमी (७.७ वर्ग मील) क्षेत्र आवहे । कोहिमा नगर कोहिमा मण्डलके अन्तर्गत आवहे आउ मण्डलके दक्षिणमे स्थित जपफू पर्वतमालाके तलहटीमे (25°40′N 94°07′E / 25.67°N 94.12°E)[3] पर स्थित हे आउ एकर औसत ऊँचाई १,२६१ मीटर (४१३७ फीट) हे ।[4]
विवरण
[edit | edit source]कोहिमा एक सुन्दर नगर हे । कोहिमामे अधिकतर नागा समुदायके लोग रहहथिन । सांस्कृतिक दृश्य आउ अनुभवके इलावा पर्यटक एहाँ पर ढेर बेहतरीन आउ ऐतिहासिक पर्यटक स्थलके सैरो कर सकहथिन । एकरामे राज्य सङ्ग्रहालय, एम्पोरियम, नागा हेरिटेज कॉम्पलेक्स, कोहिमा गाँव, दजुकोउ घाटी, जप्फु चोटी, त्सेमिन्यु, खोनोमा गाँव, दज्युलेकी आउ त्योफेमा पर्यटक गाँव प्रमुख हे । ई सब पर्यटकके बड्डी पसन्द आवहे काहेकि इनकर सुन्दरता उनकर मन्त्रमुग्ध कर दे हे ।
आवागमन
[edit | edit source]- वायुमार्ग
नागालैण्डमे दीमापुर विमानस्थल हे । एहाँसे कोहिमा तक पहुँचल ढेर आसान हे ।
रेलमार्ग
[edit | edit source]विमानस्थलके इलावा दीमापुरमे रेलवे स्टेशनोके निर्माण कैल गेलै हे । दीमापुरसे कोहिमा मात्र ७४ कि॰मी॰ के दूरी पर स्थित हे ।
सड़कमार्ग
[edit | edit source]कोहिमा बस अड्डा नागालैण्डके सबसे व्यस्तम बस अड्डा हे । एहाँसे नागालैण्डके विभिन्न स्थानला बसके परिचालन कैल जा हे । बसके इलावा राष्ट्रिय राजमार्ग ३९ से निजी वाहनो द्वारा कोहिमा तक पहुँचल जा सकहे ।
सम्बन्धित लेख
[edit | edit source]सन्दर्भ
[edit | edit source]- ↑ "Mountains of India: Tourism, Adventure and Pilgrimage," M.S. Kohli, Indus Publishing, 2002, ISBN 9788173871351
- ↑ "Britain's Greatest Battles". राष्ट्रिय सेना सङ्ग्रहालय. अभिगमन तिथि 15 दिसम्बर 2015.
- ↑ "Maps, Weather, and Airports for Kohima, India". अभिगमन तिथि 10 जून 2015.
- ↑ "Kohima Home NIC". अभिगमन तिथि 10 जून 2015.