Wp/mag/कम्प्यूटर प्रोग्राम
क्रमादेश वा कम्प्यूटर प्रोग्राम कौनो विशेष कार्यके सङ्गणक द्वारा करावे अथवा करेला सङ्गणकके समझ आवेवाला भाषामे देल गेल निर्देशके समूह होवहे । सङ्गणकके कौनो काम करेला प्रोग्राम वा क्रमादेशके आवश्यकता होवहे ।
क्रमादेशके क्रमानुदेशन भाषा वा प्रोग्रामिङ्गभाषामे लिखल जाहे । ईसभ भाषाके अक्सर मानुसके समझे योग्य बनावल जाहे । अपन मूलरूपमे अधिकतर प्रोग्रामिङ्गभाषामे लिखल गेल प्रोग्रामके, सङ्गणक समझ न सके, आउ ओकरामे लिखल गेल निर्देशके पलन न कर सके । ई कामला "अनुभाषक (कम्पाइलर)" आउ "इण्टर्प्रेटर" साफ्टवेयरके प्रयोग कैल जाहे । "कम्पाइलर" आउ "इम्टर्प्रेटर" अपनहीँ प्रोग्राम होवहे जे प्रोग्रामिङ्गभाषामे लिखल गेल प्रोग्राम, जे मनुष्यके समझे योग्य हे, के कम्प्यूटर द्वारा चलावेमे सहायता करहे ।
प्रोग्रामिङ्गभाषामे लिखल गेल प्रोग्रामके उधाहरण चित्रमे देल गेलहे । ई उदाहरणमे प्रोग्राम, अङ्ग्रेजीमे लिखल गेलहे, जैसेकि अधिकतर प्रोग्राम लिखल जाहे । हालाँकि अङ्ग्रेजीके प्रयोग होवहे, किन्तु प्रोग्राम लिखेला अधिक अङ्ग्रेजीके आवश्यकता न हे ।