Wp/mag/अफगानिस्तान

अफगानिस्तान इस्लामी अमीरात د افغانستان اسلامي امارت‎ امارت اسلامی افغانستان‎
ध्वज प्रतीक
ध्येय वाक्य: لَا إِلٰهَ إِلَّا الله مُحَمَّدٌ رَسُولُ الله "कौनो पूज्य नै हे, अल्लाहके इलावा, मुहम्मद ओकर पैगम्बर हे ।"
राष्ट्रगान: دا د باتورانو کور‎ (ई बहादुर लोगके घर हे)
राजधानी आउ सबसे बड़का नगर	काबुल 33°33′19.08″N 69°12′27″E
आधिकारिकभाषा	पश्तो दरी
नृजातीय समूह	४२% पश्तून २७% ताजिक ९% हजारा ९% उज्बेक ४% अइमाक ३% तुर्कमेन २% बलोच ४% अफगानिस्तानमे जातीय समूह
धर्म	९९.७% इस्लाम ०.३% अन्य
निवासीनाम	अफगानिस्तानी
गठन
• होतक राजवंश	१७०९–१७३८
• दुर्रानी साम्राज्य	१७४७–१८४२
• अफगानिस्तानी अमीरात	१८२३–१९२६
• मान्यता प्राप्त	१९ अगस्त १९१९
• अफगानिस्तानके साम्राज्य	९ जून १९२६
• गणतन्त्रके घोषणा	१७ जुलाई १९७३
• अफगानिस्तान इस्लामी अमीरात	७ सितम्बर १९९६
• अफगानिस्तान इस्लामी अमीरात	२६ जनवरी २००४
• अफगानिस्तानके इस्लामी गणराज्यके पतन	१५ अगस्त २०२१
क्षेत्रफल
• कुल	652,864 किमी2 (252,072 वर्ग मील) (४०मा)
• जलक्षेत्र (%)	नगण्य
जनसङ्ख्या
• 2020 आकलन	३,१३,९०,३०० (४४मा)
• जनघनत्व	(१७४मा)
जिडिपि (पिपिपि)	२०१८ प्राक्कलन
• कुल	$७२.९११ बिलियन (९६मा)
• प्रतिव्यक्ति	$२,०२४ (१६९मा)
जिडिपि (साङ्केतिक)	२०१८ प्राक्कलन
• कुल	$२१.६५७ अरब (१११मा)
• प्रतिव्यक्ति	$४९३ (१७७मा)
गिनी (२००८)	27.8 निम्न · प्रथम
माविसू (२०१९)	0.511 निम्न · १६९मा
मुद्रा	अफगान अफगानी (अफगान रुपया (افغانی)) (आइएसओ ४२१७)
समय मण्डल	युटिसि+४:३० हिजरी पञ्चाङ्ग (D†)
वाहन चलहे	दक्षिण
दूरभाष सङ्केत	+93
इण्टरनेट टिएलडि	.af افغانستان.

अफगानिस्तान इस्लामी अमीरात (दारी/पश्तो: افغانستان) दक्खिन एसियामे अवस्थित देस हे, जे बिश्वके एगो भू-आवेष्ठित देस हे । अप्रैल २००७ मे अफगानिस्तान सार्क के अठमा सदस्य बनल । अफगानिस्तानके पूरुदने पाकिस्तान, उत्तरपूरुदने भारत आउ चीन, उत्तरदने ताजिकिस्तान, उज्बेकिस्तान आउ तुर्कमेनिस्तान एवं पच्छिदने इरान हे ।

अफगानिस्तान रेशम मार्ग आउ मानव प्रवासके एक प्राचीन केन्द्र बिन्दु रहलै हे । पुरातत्वविदके मध्य पाषाण काल​​के मानव बस्तीके साक्ष्य भेटल हे । ई क्षेत्रमे नगरीय सभ्यताके शुरुआत ३,००० से २,००० ई पू के रूपमे मानल जा सकहे । ई क्षेत्र एक ऐसन भू-रणनीतिक स्थान पर अवस्थित हे जे मध्य एशिया आउ पश्चिम एशियाके भारतीय उपमहाद्वीपके संस्कृतिसे जोड़हे । ई भूमि पर कुषाण, हफ्थलिट, समानी, गजनवी, मुहम्मद गौरी, मुगल, अहमद शाह अब्दाली, दुर्रानी साम्राज्य आउ अनेक दोसर प्रमुख साम्राज्यके उत्थान भेलै हे । प्राचीनकाले फारस आउ शक साम्राज्यके अङ्ग रहल अफगानिस्तान ढेर सम्राट, आक्रमणकारी आउ विजेताके कर्मभूमि रहलै हे । एकरामे सिकन्दर, फारसी शासक दारा प्रथम, तुर्क, मुगल शासक बाबर, मोहम्मद गोरी, नादिर शाह, सिख साम्राज्य इत्यादिके नाम प्रमुख हs । ब्रिटिश सेनो ढेर बेर अफगानिस्तान पर आक्रमण कैलकै । वर्तमानमे अमेरिका द्वारा तालिबान पर आक्रमण कैल जाएके बाद नाटो (NATO) के सेना ओहाँ बनल हलै जे वर्ष २०२१ मे ओहाँ से निकाल देल गेलै हे । वर्तमानमे अफगानिस्तानमे तालिबान नामक सङ्गठनके नियन्त्रण हे । अखनि ओहाँ शरिया कानून लागू कैल गेलै हे ।

अफगानिस्तानके प्रमुख नगर हे- राजधानी काबुल, कान्धार (गन्धार प्रदेश) भारतके प्राचीन ग्रन्थ महाभारतमे एकरा राजा सकुनीके प्रदेश गन्धार प्रदेश कहल जा हलै । एहाँ ढेर नस्लके लोग रहहथिन जेकरामे पश्तून (पठान वा अफगान) सबसे अधिक हथिन । एकर इलावा उज्बेक, ताजिक, तुर्कमेन आउ हजारा सम्मिलित हे । एहाँके मुख्यभाषा पश्तो हे । फारसीके अफगान रूपके दरी कहल जा हे ।

एकरो देखी

• अफगानिस्तानके इतिहास
• अफगानिस्तानके संस्कृति
• अफगानिस्तानके भूगोल