Wp/lzz/ge/ირიათონი

From Wikimedia Incubator
< Wp‎ | lzz‎ | ge
Wp > lzz > ge > ირიათონი

This article needs to be wikified.

ირიათონი, ბეჭილია-ნაბორდიშა, პარიზი, 2005]]

ირიათონი (İriatoni), ბეჭილია-ნაბორდიშა

2005 წანას მჟორაშ თეშა ქოგამახთუ დიდი კოლხი პოეტიშ ლაშა გახარიაშ მარგალურ სვარა. ლაშა გახარიაქ ჩხოროწყუშ რაიონიში ოფუტე მუხურის დიბადერენ. ემუქ დიდო ორაშენდონი ჭარელენ ლერსეფე, მარა კომუნისტური ორას ლაშა გახარია, მუჭო ნა პოეტი მითიქ ვარ იჩინერენ. 2003-2004 წანაფეს ემუში სუმ სვარაშ გამოჩქუმალუთენ გახარიაშ პოეტური მენჯელი ქიძირუ. ლაშა გახარია დოღურუ დო ემუშ მარგალური ლერსეფეთი ქოგამიძირუ. ემუში მარგალური ნენათენ ჭარელი ვარ დო, ღარელი ლერსეფე იკითხესში, კოჩეფექ გოიჭიმოშეს. ამუშკულე კარარი მეჩეს-ქი, ემუს არ მარგალური სვარა დუხვენესკონ. აშოფეთენ, 2005 წანას ფრანსიაშ ნანანოღას, პარიზის ნა რენ ქორთულ-ავრუპული ინსტიტუტი დო გამომჩქუმალუშ ოხორიში ”ინოვაცია” დუდალათენ ლაზურ-მარგალური სვარაფეში კოროცხალის ხოლო არი, ჩხონაფერი ლაშა გახარიაშ ”ირიათონი, ბეჭილია-ნაბორდიშა” ქონანძინუ. სვარას ჰედიჲეთენ მენცახერი რენ აუდიო-CD, სო ნა მარგალური ლერსეფე ლაშა გახარიაქ დო სვარაში ედიტორი, ლია ნაროუშვილიქ იკითხუფან. ”ირიათონი” მარგალური თქვალა რენ დო მთელორას, იროთეშა ნა რენ, ჩქარ ნა ვარ ღურუნ არ მუთხანიშენი ითქვენ. ედო ირიათონი, იროთეშა სქიდას ლაშა გახარიაში ჯოხო დო კოლხური ნენა!