Wp/lzz/lat/İriatoni

İriatoni, Beç’ilia-Nabordişa P’arizi, 2005

İriatoni , Beç’ilia-Nabordişa

2005 3’anas mjoraş teşa kogamaxtu didi k’olxi p’oet’iş Laşa Gaxariaş margalur svara. Laşa Gaxariak Çxoro3’quş raionişi oput’e Muxuris dibaderen. Emuk didi oraşendoni ç’arelen lersepe, mara k’omunist’uri oras Laşa Gaxaria, muç’o-na p’oet’i mitik var içineren. 2003-2004 3’anapes emuşi sum svaraş gamoçkumaluten Gaxariaş p’oet’uri menceli kiz’iru. Laşa Gaxaria doğuru do emuş margaluri lersepeti kogamiz’ru. Emuşi margaluri nenaten ç’areli var do, ğareli lersepe ik’itxesşi, k’oçepek goiç’imoşes. Amuşk’ule k’arari meçes-ki, emus ar margaluri svara duxvenesk’on. Aşopeten, 2005 3’anas Fransiaş nananoğas, P’arizis na ren kortul-avrup’uli İnst’it’ut’i do gamomçkumaluş oxorişi “İnova3ia” dudalaten lazur-margaluri svarapeşi k’oro3xalis xolo ari, çxonaperi Laşa Gaxariaş “İriatoni, Beç’ilia-Nabordişa” konanz’inu. Svaras hediyeten men3axeri ren Audio-CD, so na margaluri lersepe Laşa Gaxariak do svaraş edit’ori, Lia Narouşvilik ik’itxupan. “İriatoni” margaluri tkvala ren do mteloras, iroteşa na ren, çkar na var ğurun ar mutxanişeni itkven. Edo iriatoni, iroteşa skidas Laşa Gaxariaşi coxo do K’olxuri Nena!