Wp/lus/Ram Hrang Hrangte Inpumkhatna Pâwl

Ram Hrang Hrangte Inpumkhatna Pâwl puanzàr

Ram Hrang Hrangte Inpumkhatna Pâwl (Sâp ṭawng: United Nations Organization, UN emaw UNO) hi sawrkâr inkâr pâwl a ni a, a thil tum tarlan chu khawvêl ram hrang hrangte remna leh himna vawn nun te, hnam hrang hrangte inkâra inlaichinna ṭha siam te, khawvêl ram inkâra thawhhona ṭha tak neih te leh hnamté thiltih inremna hmûnpui nih te a ni. Khawvêla khawvêl ram inkâr pâwl lian bêr leh hriat lar ber a ni. UN hian New York khawpuiah khawvêl ramte ramriah hmûnpui (headquarter) a nei a, Jeneva, Nairobi, Vienna, leh Den Haag (International Court of Justice awmna)-ah te pisa lian dang a nei bâwk.

A din tirh lai khan UN hian membâr ram 51 a nei a; tunah hian memâer 193 an awm mêk a ni. Membâr ram bâkah hian khawvêl ram inkâr pâwl engemaw zatin UN Hmûnpuiah pisa neiin entu nghet angin hmûn an nei a, entu nihna chauh nei pawh an awm bâwk. Palestina leh Vatikan hi membâr ni lo ramte an ni a, entu nghet an ni. (Vatikan hian UN-ah hian aiawh nghet a nei a, Palestina erawh chuan UN-ah pisa nghet a nei thung).

UN thil tum berte chu:

• Khawvêl remna leh muanna vawng reng tùr.
• Mihring dikna chanvo zahna hmanga hnam hrang hrangte inkâra unau inlaichinna hmasawn leh fuih tùr.
• Sumrèlna lam, khawtlang nun lam, hnamzia lam leh chenna khawvêl lama hmasawnna kawngahkhawvêl ram inkâra thawhhona ṭha tak neih tùrna siam tùr.
• Khawvêl remna tichhe thei ramte laka thawhhona zawng zawngte thawhhona hmûnpui ni tùr.
• Ṭâm, thilsiam chhiatna leh ralthuam hmanga indona a thlen hunah mihringte ṭanpuina pek tùr.

Indopui II-na lai khan Amerika Inpumkhatna Presiden Franklin D. Roosevelt-a chuan Newfoundland Bay-a indo lawng Augusta-a chuang Britannia Sawrkapâwl Hruaitu (prime minister) Winston Churchill-a nen Ram Hrang Hrangte Inzawmkhawmna (League of Nations) thlaktu tùr pâwl din tura inbiakna a kalpui ṭan a. UN thil tum berte hi April-June 1945 chhunga inkhawmna neihah siam a ni a, hë thil tum berte hi October 24, 1945 aṭang khan hman ṭan a ni a, chutah chuan UN chu a kal ṭan ta a ni. UN Thupui A Chi Hrang Hrang Inkhawmna (UN General Assembly) hmasa ber – ram 51 aiawh telna – chu January 10, 1946 (Church House, London-ah) chauh a ni.