Wp/lus/Palestina Rampui ram

Palestina puanzàr

Palestina (Arabi ṭawng: فلسطين, Sâp ṭawng: Palestine), official-a Palestina Rampui (Sâp ṭawng: State of Palestine) tih hi Asia chhim lam, Levant Chhim Lama awm a ni. Official-a Palestina Zalèna Pâwl (Palestine Liberation Organization (PLO))-in a enkawl a, West Bank, Jerusalem Khawchhak Lam leh Gaza Strip te chu a ram atan a puh a, mahse chu ram pum pui chu kum 1967-a ni ruk Indona aṭang khan Israel ramin a awp a ni. Kum 1993 aṭang 1995-a Oslo Inremna avâng hian tunah hian West Bank hi Palestinian Enclave 165-ah ṭhen a ni a, chungte chu Palestina Rampum Rorêlna (Palestinian National Authority (PNA)) dàn ṭhenkhat hnuaiah an awm a; a bak zawng, Israel chenna hmun 200 telin Israel thuneihna pumhlum hnuaiah a awm. Gaza Strip hi Islam pâwl firfiak Hamas-in an awp a, kum 2007 aṭang khan Aigupta leh Israelte chuan hun rei tak chhung an lo dang tawh a ni.