Wp/lus/Phekpui/Ui
Ui hi mihringte ranvulh hmasak ber ni a hriat a ni a. Hmasang ata tawh mihringte thian rinawm tak leh tangkai tak a ni thin. An rim hriatna leh thil zir theihna avang hian mihringte puitu leh venghimtu tha tak mai an ni a, khawvel hmun hrang hrangah mihringte pui tura vulh an ni. Asia khawchhak lamah erawh chuan ei atan pawh an vulh bawk.
Nihphung[edit | edit source]
Ui hi chi hrang tam tak a awm a. A zirnahming (scientific name) chu Canis familiaris a ni. Ramsa lalram,(animal kingdom)-a a dinhmun chu hetiang hi a ni
- Kingdom :Ramsa(Animalia)
- Phylum : Chordata
- Class : Mammalia
- Order : Carnivora
- Sub order : Caniformia
- Family : Canidae
- genus : Canis
- species : lupus
- Sub species : familiaris
Hmélhmang[edit | edit source]
Ui hi ramsa lian vak lo, ke pali nei chi (Fuliafa) a ni a. Sihal leh chinghniate nen inhnaih tak an ni. Khawvel hmun hrang hrangah hian ui chi tam tak a awm a. Australia leh New Zealand ramah tih loh chuan an awm vek a ni. Mizo ui vulh len lam hi a laihawl a ni a. Fit khat leh a chanve vela sang an ni tlang pui.Ui te reuhte, Yorkshire Terrier[1] ang chi chu 2.5 inch vel leka sang an ni.
A tobul[edit | edit source]
Ui tobul tak hi hriat chian a ni tawh chiah lova. Mihringten lo neih an chin tan hma, kum 27000 vel kalta atanga lo awm tan ni a hriat a ni. Tunlai ui hi Europe rama chinghne chikhat gray wolves ho nen an inhnaih hle niin hriat a ni.
Dam rei zawng[edit | edit source]
Kum 2013-a zirmi ten ui dam rei zawng an zirnaa an hriat dan chuan a tlangpuiin thlahpawlh loh (pure breed) ho hi kum 1.2-in thlah pawlh ho aiin an dam rei zawk niin an hria a. Tin, an rih poh leh an thi hma niin an hre bawk. A tlangpuiin kum 10 -13 an dam thei a. Mahse, ui tam zawk hi chu kum 5 kum 6 vel an nihin an thi thin.
Inthlahchhawn dan[edit | edit source]
An pian atanga kum khat velah an hur tlangpui thin a. A nu hian thi an nei ve thin. A tlangpuiin ni 58 - 68 chhung note an pai thin a. Note paruk vel an nei thin bawk. Sawm chuang lai hring te pawh an awm.
An finna leh tangkaina[edit | edit source]
Ui hian rim hriatna tha tak a nei a. Thil a vawng theiin thumal engemaw zat a chhinchhiah ve thei a ni.