Wp/lus/Zirnahming

Zirnahming hi thlaihring leh thilnung hrim hrim te leh pa-chî zawng zawngte mumal taka thliar fela an chanchin zir a nih theih nana hming pêk hi a ni. A hming phuahphung hian latin ṭawng kalphung a zui a, hming rëng rëngin chhumbung hnih a neih avangin bunghnih hmingpêk (binomial nomenclature) tih a ni bawk.

A hming chhumbung hmasa zâwk hi a telna hnam (genus) hming a ni a, a hnuhnüng zâwk hian chu hnam chhunga a tel lehchhawnna chi (species) hming a tilang thung. Entirnan, mihring chu Homo hnam (genus)-a mi a ni a, chu mai bâkah Homo hnam chhunga Homo sapiens chi-a inkhungbil leh chhawng a nih avangin mihring zirnahming chu Homo sapiens a ni. Homo tih hi latin ṭawnga mihring tihna a ni a, sapiens tih hi fing emaw hrïa tihna a ni.

A ziahphung

Thilnung leh pachî, bunghnih hming neih ngai thil zawng zawng sawi nan nungchî tih lo hmang ta ila. Nungchî zirnahming vuah dàn leh ziahphung hi mümal takin Nungchate hming vuahphunga ramkip dàn (Sâp ṭawngin: International Code of Zoological Nomenclature (ICZN), Ferên ṭawngin: Code international de nomenclature zoologique (CINZ), Zerman ṭawngin: Internationale Regeln für die Zoologische Nomenklatur) (nungcha bîk tan) leh Pàtêk-chî, pachî leh thlàite hming vuahphunga ramkim dàn (International Code of Nomenclature for algae, fungi and plants (ICN) te'n an thunun a.

(chhunzawm tùr)