Wp/ljp/Bandar Lampung

Bandar Lampung iyulah bandar negeri rik bandar say paling balak di Kegubernuran Lampung. Bandar hinji ngerupako salah say bandar paling padok di Pulaw Sumatra say ngemik kepadokan penduduk di angka 5.332/km². Bandar Lampung kuruk lom salah say bandar balak rik bandar say paling padok pendudukni di Indonesia, hususni di luwah Pulaw Jawa.

Secara géyograpis, bandar sinji ngerupako gerbang utama Pulaw Sumatra, posisini kurang lebih bujarak 165 km kebelah barat lawok Jakarta, ngemik andil penting dilom jalur transportasi darat rik aktipitas pendistribusiyan logistik jak Jawa mit Sumatra atawa sebalikni.

Bandar Lampung ngemik berak wilayah darak 169,21 km² say tebagi dilom 20 kecamatan rik 126 kelurahan. Jumlah pendudukni iyulah 1.166.066 jamma budasarko hasil sénsus penduduk tahun 2020. Sedangko hani Kemendagri, jumlah penduduk Bandar Lampung iyulah 1.096.936 jamma di pertengahan tahun 2023.

Liyak munih

• Lampung