Wp/kus/Winimi Films
| Located in the administrative territorial entity | Upper East Region, Pusiga  |
|---|---|
| Country of origin | Ghana |
| Publication date | December 2014 |
Winimi Films anɛ sini tʋʋma la'asʋg linɛ bɛɛ li gʋnnɛ. Li bɛ nɛ Pusiga (Pusug sʋ'ʋlim) linɛ bɛ Upper East Region, Ghana.[1]
Pin'ilʋg
Awinimi Isaac Adakudugu pin'ili li yʋʋm tusa ayi nɛ piina ayi (2012) la ni. Sini la'asʋg la tʋm ya bɛdegʋ zaŋi keŋ sini tʋʋma ni n maan sini banɛ vɛnl ka mɔr ya'am zamisʋg. Sini nam la tita'am anɛ Kusaal ka sieba mɔr sɔbir bigisʋg Na'asaalin.
Yɛlzug
Winimi Films anɛ linɛ pɛsigi tis malima dʋ'ʋsʋg nɛ li maalʋg tis teŋkpemis nɛ Upper East Region sʋ'ʋlim. Awinimi Isaac Adakudugu onɛ pin'ili la, tʋm ya bɛdegʋ ka paam tɔn'ɔg Ghana nɛ Dunia wusa zaŋi ken sini ni.
Sini nwaab
Sini banɛ ka Winimi Films maal la anɛ bɛdegʋ banɛ an:
- "The Battle of Christians"
- "Biig Sidkulug"
- "Sa'al Sʋŋ"
- "Bipumis Sakur Ken"
- "Mother's Day", nɛ sieba.
Sini nam pʋ an linɛ mɔr diema tis nidib ma'a nɛ amaa ba bisgisi Kusa malima nɛ Region la malima yɛla.
Tʋm nɛ Dunia Sʋ'ʋlim
Winimi Films tʋm ya hale keŋ tuon ka nyaŋi n la'as nɛ Rasquache film Production lʋgir Na'asar teŋ n maal Ghana nɛ America Sini kanɛ ka li yʋ'ʋr an "Nakom" la. La'asʋg nwa da sʋŋ ya ka sini nwa n lalig teŋi ken cinema namin dunia bɛn. Ka mɛ paam piini bɛdegʋ.
Awinimi Isasc Adakudugu tʋʋm da anɛ onɛ is sini, "Nakom" la ka ba buon ye 'producer' Na'asaalin, linɛ da kɛ ka o keŋ 66th International Film Festival, Berlinale, German teŋin la yʋʋm tusa ayi nɛ piina ayuobo (2016).[2]
Baŋisim nɛ Piini Nam.
Awinimi Isaac Adakudugu tʋʋm kpiema sini pʋʋgin kɛ' ya ka o yʋ'ʋr yi paalʋ. O da paam kasɛta gbaʋŋ piini linɛ an 'Citation' Na'asaalin la n yi Abla Dzifa Gomashie onɛ da an Tourism, Culture and Creative Art Minista, Ghana Zugraan kʋdʋg John Dramani Mahama saŋa la. O da tʋm bu'ol Awinimi nɛ sieba banɛ da maal sini la o du'am ti'enr daar Accra ka tisi o piin tita'ar nwa.
Nakom sini la da an Sini kanɛ yɔ'ɔg Ghana Sini la'asʋg yiiga Ghana sʋ'ʋlim ka ba buon ye Black Start International Film Festival la.
Awinimi Isaac mɛ da lɛm paam 'Producer of the year' Kusaug Excellence Award la'asʋgin la.
Kpɛɛm Tʋʋm
Awinimi Isaac Adakudugu nananna, anɛ Upper East Region la sini nwaadib la'asʋg (Upper East Filmmakers Association) Kpeem nyandɔl.
Nananna Tʋʋma
Yʋʋm tusa ayi nɛ pisi na ayi (2022) la nii, Awinimi Isaac Adakudugu sɔb ka maal sini tis duata yinne onɛ bɛ University of Ghana, Legon la. Ka kpen ken tuoni tʋmmid sini tʋʋma paasid teŋmaalig. anɛ sini tʋʋma la'asʋg linɛ bɛɛ li gʋnnɛ. Li bɛ nɛ Pusiga (Pusug sʋ'ʋlim) linɛ bɛ Upper East Region, Ghana.
Yʋʋm tusa ayi nɛ pisi na anaasi (2024) la, o la'as nɛ Awinduk ka ba gʋlis sini ka ba buon ye 'TV series' la. Sini nwa pian'adnɛ kusa malima yɛla.