Wp/kus/Nakuom (Nakom)

Nakuom (Nakom) anɛ teŋkpɛŋ n bɛ Pusug sʋ'ʋlim. Nakuom anɛ Kusaas teŋ ka lɛɛ mɔr buudi kɔn'ɔb-kɔn'ɔb nwenɛ: Busaas, Yaam, Simiis, Zangbɛɛs nɛ sieba.

Nidib kal

Nakoum nidib kal na an wʋʋ nidib tusa ayi nɛ pʋsʋg nɛ (2500). Nidib bama nii, sɔmɛkama wusa mɔr tʋʋma kanɛ ka o tʋmmi did. Bam anɛ kpaadib, ka bam an pan'anib, laafi tʋm-tʋmnib, dɔkpa'adib ka si'eba mɛ an da'ditib. Ba onn tʋʋma anɛ lɔmbɔn'ɔd tʋʋma wuu gabʋ, nanzʋ'ʋs, zɛnmaansa nam, saman tɔɔsi nɛ sieba.

Dɔɔd

Kusaas la mɔr dɔɔd kɔn'ɔb-kɔn'ɔb. Ba sieba anɛ: Na'aram,Teŋsʋŋ, Pusug dim,Wiid dim,Kpaligin dim,Mɔkpalib, Za'aŋkpalis,nɛ sieba. Na'am dɔɔg dim la an Na'a dɔɔg. Nakuom Na'ab ma'am yʋ'ʋri an Na'aba Samilinmiig pɛ'ɛl Mu'ar. Da' la ditnɛ dabisa atan'-tan' ka li lid Bawk da' daar wusa.

Linɛ kɛ ka ba buon ye Nakuom la anɛ yee, Na'asar nam la da kennɛ da'ad Ninsabilis la, ka eti kina nɔb sieba keŋ Germany teŋin n zamisi ba langima tʋʋma. Ba da kina ka ba eti diisid na'am ka ken kɔldaʋg si'a ni n gi'ed kuom tit Na'ab la ka o nu ka ba diis o na'am la.

Na'asar nam la da kena ka ba ye ba diis na'am ka na yɛl ye ba kem n gbi'e Na'ab nam kuom la na ka ba tis Na'ab la. Ka ba kpem pʋt zi'ig kan la yee Nakuom

Nakuom da deŋi mɔr da' ka ba pʋt ye Sʋnnɔ'ɔg da'. Amaa da' kan la len kai ya'ase.

Ba da yuolim n yɔ'ɔg da' paalig ka li yʋ'ʋr an Nakuom da'