Jump to content

Wp/kus/Mohammed Gargo

From Wikimedia Incubator
< Wp‎ | kus
Wp > kus > Mohammed Gargo
Mohammed Gargo
human
Sex or gendermale Dɛmisim gbɛlima
Country of citizenshipGhana Dɛmisim gbɛlima
Given nameMohammed Dɛmisim gbɛlima
Date of birth19 June 1975 Dɛmisim gbɛlima
Place of birthAccra Dɛmisim gbɛlima
Languages spoken, written or signedEnglish Dɛmisim gbɛlima
Occupationassociation football player, association football coach Dɛmisim gbɛlima
Position played on team / specialitydefender Dɛmisim gbɛlima
Sportassociation football Dɛmisim gbɛlima
Participant in1992 Summer Olympics, 1992 African Cup of Nations, 1998 African Cup of Nations, 2000 African Cup of Nations Dɛmisim gbɛlima

Mohammed Gargo (Ba da dʋ’a o nɛ n 19 June 1975) ka o an Ghana bɔɔl nwɛ’ɛd onɛ nwɛ’ɛd nya’aŋ (defender).

O nwɛ’ɛb tʋʋma

Kilabnam

Torino

Gargo's da tʋm si’el  1991 FIFA U-17 World Championship da kɛ ka o nie paalʋ ka European clubs' scouts dim nyɛ’ o. O da siak ye o na keŋ nwɛ’ tis Bayer 04 Leverkusen on nɛ o tiraan onɛ ka ba la’an nwɛ’ɛdi tisid Ghana national under-17 football team ka o yʋ’ʋr aan Sebastian Barnes.[1] Amaa ka Leverkusen lɛb nya’aŋ ka bas Gargo ma’aa din da pa’al nyain ye ba kʋ nyaŋi yɔ ligidi bɛdigʋ kanɛ ka di nar ye ba yɔ tis Torino.[2]

Yʋʋm tusir, kɔbiswai nɛ piswai nɛ yinne nwadis piiga la ni, October 1991 Italian lira da yɔ ligidi nɛwɛ miliyɔŋ kɔbiga (100,000,000) tis Gargo's dʋ’adib ye o paam suor yi keŋ Turin, ani ka o taaba banɛ ka on nɛ ban nwɛ’ɛd national under-17 team la, Samuel Kuffour nɛ Emmanuel Duah yʋ’ʋn da keŋ paas o.[3][4] Torino's Zuraan Gian Mauro Borsano da gban’e ka pan’as ye o tisi ba nɛ tʋʋma ye ba an "messengers" o kompin mɛɛbin hali nɛ ban na ti paae yʋʋm piinɛ nii ka paam suor sɔbi ba yʋda ka naan nyaŋi lieb bɔɔl nwɛ’ɛdib.[5]

O gban’ar la da mɔr daʋŋ na ka Italian Football Federation (FIGC) da zan’as ye ba kʋ bas suor ka Ghana nidib la an amateurs bɛɛ professionals. FIGC zuraan Antonio Matarrese da mamis yɛl la nɛ biis zuub (trafficking of children).[6][7] La’anɛ Gargo nɛ on saami yɛl ye on gban’e si’em Turin la paae ba ya’am la, bɔɔl nwɛɛdib ka kpɛn zi’enɛ ba zi’esimin.[3] Torino nɛ Gargo da bɛllim Confederation of African Football (CAF) ka ba lɔb bɛllʋŋ la bas yʋʋm tusir, kɔbiswai nɛ piswai nɛ ayi la nwadis piiga la ni (October 1992), sankaŋa win la ka Kuffour nɛ Duah pʋm bas kilab la sa.[8] CAF zuraan Issa Hayatou sunf da duoe hali nɛ Dominico Ricci, onɛ African Football Management agency kanɛ maal suoya ye bay ii keŋi ani la.[9]

Yʋʋm 1993–94 siizin la, Gargo da bɛ Borussia Dortmund saŋa bi’ela, ka o saam bil, Ibrahim Tanko bɛ nwɛ’ɛd sa. Ba da nɔk o niŋnɛ kilab la biis team dinɛ yʋ’ʋri an Oberliga Westfalen, ka Dortmund da mɔɔd ye ba da’ o la, Torino da zan’as ligidkanɛ ka ba ye ba yɔ la nyain.[10] Yʋʋm tusir, kɔbiswai nɛ piswai nɛ anaasi nwadis piinɛ yinne la ni (November 1994) Giovanni Trapattoni da nɔk Gargo keŋ Bayern Munich.[11] Ba da maal o nɛ Dortmund dim da maal o si’em la ka o pʋ nyaŋi yii.

Yʋʋm tusir, kɔbiswai nɛ piswai nɛ anaasi nwadisa anu la ni (May 1994) Gargo da nwɛ’ɛ tis Torino ban nɛ Juventus da nwɛ’ɛdi di’em la.  "Memorial Giorgio Calleri" da nwɛ bɛnɛ Novara ka nidib da pʋ yi bɛdegʋ naa nɛ daʋŋ yɛla (hooliganism). Ba da tʋ’ʋd Gargo on an ninsabil la yɛla ka banɛ sʋŋid Torino Andrea Fortunato onɛ maal ka’alim ka di pʋ yuug la.[12] Gargo da di 2–2 draw ka ba naan di Torino penalty nwɛ’ɛbin.[13][14] La’anɛ on da bɛ yʋma atan ka pʋ tʋm si’el la, Gargo da la’an sin ka bɔɔd ye o nwɛ’ tis Torino.[15] Amaa o da pʋ mɔr zusʋŋ nɛ kilab la zuraan paal kanɛ kenna la Gianmarco Calleri.[9]

Stoke City

Gargo da keŋ Stoke City ka iizin nam pʋ paae 1995–96 campaign. Ban da kpɛn’ɛs o ka o nwɛ’ friendly match nɛ Stockport County, Stoke's manager Lou Macari sʋnf da ma’ae nɛ Gargo tʋm si’em la. Amaa, Macari sunf da pʋ ma’ae nɛ Gargo, nidib bɛdegʋ pʋ yina la nɛ nidib la widig s’'em tɔ’ɔtɔ’ ban naae bɔɔl la.[16]

Udinese

Gargo suunri da pʋ malis nɛ on pʋ nyɛt bɔɔl sʋma nwɛ’ɛd la, o da yuolim keŋ naal Italian team Udinese yʋʋm tusir, kɔbiswai nɛ piswai nɛ anu nwadis piiga la ni (October 1995). On da bɛ ani yʋʋm yinne ka pʋ tʋm la, ba da bas Gargo suor ka o register nɛ Udinese ka ba siizin naam paae.[17] O da lɛb Udinese nɛɛm ka ba pʋ yɔ si’ela (free transfer), o yʋʋma anu tʋʋma saŋa da paae nɛ Torino la. Real Tamale United nan kpɛn zi’enɛ ba zi’esimin kuosʋgin la ka Gargo tisi po kilab kʋdʋg la gbaʋŋ ye o na tisi ba Dollar tusa pisi ($20,000) ka ba da pʋ lɛn mɔr daʋŋ nɛ on na keŋ Udinese.[18]

International

Gargo da paas men's national team la banɛ di di bronze medal yʋʋm tuisr, kɔbiswai nɛ piswai nɛ ayi (1992) Summer Olympics bɛ Barcelona, Spain,[19] nɛ gold 1991 FIFA U-17 World Championship bɛ Italy.

Yʋʋm tusa ayi nɛ piinɛ atan la ni (2013) Gargo da yel ye ba buol o ye o nwɛ’ tis Ghana yʋʋm tusa ayi nɛ, ayuobʋ, 2006 FIFA World Cup, dinɛ an yiiga ka teŋ la paam suori ye ba nwɛ’, ban da ye ba yɔɔm wa’adim ligidi la (bribe).[20]

Coaching tʋʋma

Gargo da pin’ili o coach tʋʋma nɛ o bɔɔl nwɛ’ɛbi da naae yʋʋm tusa ayi nɛ piiga nwadisa ayi la ni (February 2010) ka o da an coach tis New Edubiase United.[21] O da pa’al kilab la da bɛ Poly Tank Division One League kem paae yʋʋm tusa ayi nɛ piiga (2010) summer. Yʋʋm tusa ayi nɛ piiga nwadis anii la daba ayuobʋ daar (6 August 2010), ba da ye onɛ an manager paali tis Poly Tank Division One League dataas Real Tamale United.[22] O da coach RTU kem paae yʋʋm tusa ayi nɛ piinɛ ayin wadis piinɛ yinne la ni (November 2012) ka ye o kʋ lɛn nyaŋi tʋm ya’asa ban da lɛbisi ba nya’aŋ Ghana Premier League ni la.[23]

Gargo da lɛn an manager tis Ghana Premier League kilab BA United yʋʋm tusa ayi nɛ piinɛ anu nwadisa atan la ni (March 2015), amaa ka ba da kad o yis on da zɛrigi o nwɛ’ɛd nwɛ’ɛdib la ye ba betitnɛ gɛɛsidi ba mɛŋ la.[24] Yʋʋm kanɛ dɔl la. Yʋʋm tusa ayi nɛ piinɛ anii nwadisa awai la ni (September 2018) Namibian Premier League kilab Tura Magic F.C. da nɔk Gargo ye o aan ba head coach.[25]

Mɛŋ bɛllim

Ba da du’a Gargo nɛ Burma Camp bɛ Accra la, o saam da anɛ Physical training instructor tis Ghana Army.[26] Ba yinɛ Bawku, paas Busaans buudi, Mandé ethnicity.[27]

Gbanvɛɛnsa

  1. https://taz.de/!1701459/
  2. https://www.spiegel.de/politik/gnadenlos-ausgenommen-a-65b5cddc-0002-0001-0000-000013687321
  3. 3.0 3.1 https://ricerca.repubblica.it/repubblica/archivio/repubblica/1991/10/31/lasciateci-sognare.html
  4. https://en.wikipedia.org/wiki/La_Repubblica
  5. https://www.toro.it/rubriche/che-fine-hanno-fatto/che-fine-hanno-fatto-duah-gargo-kuffour/1100679/
  6. https://ricerca.repubblica.it/repubblica/archivio/repubblica/1991/10/30/affare-ghana-toro-sotto-inchiesta.html
  7. https://www.volkskrant.nl/nieuws-achtergrond/piepjong-voetbaltalent-te-koop-via-internet~ba783e0b/
  8. https://ricerca.repubblica.it/repubblica/archivio/repubblica/1992/10/16/il-torino-non-puo-tesserare-gargo.html
  9. 9.0 9.1 https://amp.theguardian.com/football/2000/feb/13/africannationscup2002.africannationscup
  10. https://archivio.unita.news/assets/main/1996/08/24/page_022.pdf
  11. https://ricerca.repubblica.it/repubblica/archivio/repubblica/1994/11/16/calcio-news.html?rss
  12. https://ricerca.repubblica.it/repubblica/archivio/repubblica/1994/05/30/il-calcio-vile-va-in-provincia.html
  13. https://www.juworld.net/partita.asp?d=28/05/1994
  14. https://ricerca.repubblica.it/repubblica/archivio/repubblica/1994/05/29/juve-torino-che-vergogna.html
  15. http://www.magliarossonera.it/img199394/amic37_1994.pdf
  16. https://www.stokesentinel.co.uk/sport/football/football-news/stoke-city-awol-jese-bangoura-1450880
  17. https://www.udinese.it/Apps/WebObjects/Udinese.woa/wa/viewSection?id=42989&lang=ita
  18. http://www.mclglobal.com/History/Oct1999/13k1999/13k9s.html
  19. https://web.archive.org/web/20200417214516/https://www.sports-reference.com/olympics/athletes/ga/mohamed-gargo-1.html
  20. https://www.myjoyonline.com/i-refused-to-pay-bribe-for-2006-world-cup-place-gargo/#!
  21. https://web.archive.org/web/20140316200250/http://sports.peacefmonline.com/pages/soccer/201002/39171.php
  22. http://ghanafoot.wordpress.com/tag/real-tamale-united/
  23. http://www.yardbarker.com/all_sports/articles/mohammed_gargo_refuses_to_give_up_on_real_tamale_united/12133360
  24. https://www.modernghana.com/sports/603709/record-breaking-ba-united-fire-gargo-as-coach.html
  25. https://en.wikipedia.org/wiki/Mohammed_Gargo#cite_note-31
  26. https://www.modernghana.com/sports/1066612/mohammed-gargo-an-incredible-career-of-intoxicati.html
  27. https://www.modernghana.com/sports/1066612/mohammed-gargo-an-incredible-career-of-intoxicati.html